У прафесіяналаў высокія мэты
Кіраўніцтва Гродзенскай вобласці праінфармавала Аляксандра Лукашэнку аб перспектывах сацыяльна-эканамічнага і горадабудаўнічага развіцця Гродна, у тым ліку мадэрнізацыі інфраструктуры: дарог, мастоў, транспартных развязак. Новаўвядзенні прызначаны зрабіць горад яшчэ больш прыгожым і сучасным.
Падчас наведвання спартыўнага комплексу «Пышкі» кіраўнік дзяржавы азнаёміўся з арганізацыяй работы паветраапорнай крытай лядовай пляцоўкі хакейнага клуба «Нёман» і паветраапорнага крытага футбольнага манежа футбольнага клуба «Нёман» і паразмаўляў з кіраўнікамі спартыўных устаноў і юнымі спартсменамі, пацікавіўся існуючымі праблемамі.
Аляксандр Лукашэнка заўважыў, што неабходна падумаць аб заахвочванні трэнераў, у тым ліку невялікіх дзіцячых хакейных і футбольных каманд, за падрыхтоўку добрых ігракоў. Размова ідзе не толькі аб месцах на спартыўных спаборніцтвах, а і аб выхаванні спартсменаў, якія будуць выступаць за нацыянальныя зборныя, бо на такіх рэгіянальных спартыўных аб'ектах, як «Пышкі», і рыхтуюць, магчыма, будучых элітных ігракоў.
Адным з галоўных мерапрыемстваў рабочай паездкі Аляк- сандра Лукашэнкі стала наведванне Гродзенскага дзяржаўнага ўніверсітэта імя Янкі Купалы. Кіраўнік дзяржавы адзначыў, што даўно збіраўся наведаць гэтую вышэйшую навучальную ўстанову і сустрэцца са студэнтамі, і таму яго прыезд стаў выкананнем раней дадзенага абяцання.
Аляксандр Лукашэнка азнаёміўся з дасягненнямі і перспектывамі развіцця ўніверсітэта. Яму далажылі, што за апошнія гады ва ўніверсітэце значна павялічылася колькасць выкладчыкаў з навуковымі ступенямі і званнямі, актыўна развіваецца сфера пазабюджэтнай дзейнасці. Гродзенскі ўніверсітэт працуе ў рамках эксперыментальнай пляцоўкі па ўкараненні канцэпцыі «Універсітэт 3.0», якая прадугледжвае не проста падрыхтоўку спецыялістаў, а навучанне іх дзеянням ва ўмовах нявызначанасці, адсутнасці гатовых рашэнняў. У першую чаргу гаворка ідзе аб навыках прадпрымальніцкай актыўнасці, уменні працаваць над камерцыялізацыяй сваіх навуковых распрацовак. Для гэтага ствараецца практыкаарыентаванае адукацыйнае асяроддзе, наладжаны сувязі з заказчыкамі кадраў. Не застаюцца ўбаку і працэсы цыфравізацыі. Студэнты расказалі Прэзідэнту аб сваіх навуковых даследаваннях і прыкладных распрацоўках.
Ва ўніверсітэце таксама прайшла сустрэча Аляксандра Лукашэнкі з адоранай і таленавітай моладдзю. На яе былі запрошаны і студэнты іншых ВНУ – Гродзенскага дзяржаўнага медыцынскага ўніверсітэта і Гродзенскага дзяржаўнага аграрнага ўніверсітэта. Размова праходзіла ў адкрытым фармаце за круглым сталом. Прэзідэнт адкрыта падзяліўся з маладымі людзьмі сваімі поглядамі на ролю моладзі ў фарміраванні будучыні краіны.
Падчас размовы кіраўнік дзяржавы заявіў, што беларуская сістэма адукацыі павінна рыхтаваць спецыялістаў новай фармацыі з добра развітымі прадпрымальніцкімі навыкамі. «Гэта патрабаванне сучаснага свету. Часта мы пакутуем менавіта ад таго, што не ўмеем выгадна прадставіць інтарэсы і магчымасці нашай краіны за мяжой», – сказаў Аляксандр Лукашэнка.
Прэзідэнт канстатаваў, што гродзенскія ВНУ з'яўляюцца інтэлектуальным цэнтрам не толькі вобласці, але і па асобных напрамках – усёй краіны.
Для дзяржавы важна своечасова заўважыць студэнтаў з ярка выяўленымі лідарскімі якасцямі, нацэленых на палітычную кар'еру, звярнуў увагу Прэзідэнт. І падкрэсліў, што дастойных і гатовых да дзяржслужбы маладых людзей у Беларусі будуць усяляк падтрымліваць.
Кіраўнік дзяржавы заўважыў, што, паводле слоў многіх людзей, студэнцкія часы былі для іх лепшымі і самымі шчаслівымі. Аднак у яго зусім іншыя ўспаміны. «Длямянегэтанесамыяшчаслівыя гады, гэта найцяжэйшыя гады. Я не ведаю, як у вас, але ў мяне было так: і тады, калі я вучыўся, асвойваючы гісторыю, і тады, калі мне давялося займацца эканомікай. Я па складзе гуманітарый, а потым мяне пасадзілі за лаўку і прымусілі вывучаць інфарматыку, вышэйшую матэматыку і іншае, якое ў асноўным мне ў жыцці не спатрэбілася», – расказаў Аляксандр Лукашэнка.
Таму, адзначыў Прэзідэнт, ён і ўдзяляе цяпер шмат увагі ўдасканаленню вышэйшай адукацыі. «Я спрабую зрабіць яе практыка-арыентаванай, настойваю на тым, каб час знаходжання ў ВНУ быў скарочаны да мінімуму. Калі магчыма за чатыры гады атрымаць адукацыю, трэба, значыць, за чатыры, а не за пяць або за шэсць. І ўжо з першага, максімум з другога курса студэнт павінен быць у полі, ля станка, з фотакамерай – у залежнасці ад спецыяльнасці», – лічыць кіраўнік дзяржавы.
«Я бачу Беларусь як зручную для жыцця. І той, хто хоча тут жыць спакойна, гадаваць сваіх дзяцей, і хоча зарабіць, ён гэта заўсёды можа атрымаць», – заявіў Аляксандр Лукашэнка напрыканцы сустрэчы.
Ён таксама заўважыў, што ўсе задаволены быць не могуць. І для таго, каб нечага дабіцца, неабходна прыкласці намаганні, як напрыклад, у час вучобы ў ВНУ. «Той будзе паспяховы, хто, зрываючы ногці і пальцы, карабкаецца на гэту гару, атрымліваючы адукацыю, навучаючыся і атрымліваючы жыццёвы вопыт, займаецца сабой. Той атрымае больш. Усё залежыць ад чалавека», – упэўнены Аляксандр Лукашэнка.
«У нас добрая краіна. У яе назад дадому хочацца вяртацца», – дадаў беларускі лідар.
Прэзідэнт таксама пажадаў маладым людзям не баяцца ставіць перад сабой нават завоблачныя, як ім можа здацца, мэты. «Стаўце перад сабой вялікія мэты. Нават калі вы гэтай мэты не дасягнеце, калі вы не дойдзеце да гэтай адзнакі, усё роўна, ідучы да яе, вы дасягнеце большага», – адзначыў ён.