Беларусь і Украіна – суседзі, сябры, партнёры
I Форум рэгіёнаў Беларусі і Украіны прайшоў 2R-2S кастрычніка ў Гомелі. Праграма міжрэгіянальнага форуму ўключала ў сябе выстаўкі прадукцыі прадпрыемстваў дзвюх краінI пасяджэнне беларуска-ўкраінскага кансультатыўнага савета дзелавога супрацоўніцтваI правядзенне дзелавых перагавораў паміж прадстаўнікамі ўкраінскіх і беларускіх кампанійI галіновых секцый і пасяджэнняў экспертных рабочых групI канцэрта Дружбы і іншых мерапрыемстваў.
Прэзідэнты Беларусі і Украіны Аляксандр Лукашэнка і Пётр Парашэнка прынялі ўдзел у форуме. Па выніках мерапрыемства падпісаны шэраг дакументаў і заключаны дамоўленасці, накіраваныя на пашырэнне супрацоўніцтва па ўсім спектры напрамкаў беларускаўкраінскага ўзаемадзеяння.
Прэзідэнт Беларусі Аляксандр Лукашэнка закрануў у сваім выступленні вострае для Украіны і яе суседзяў, у тым ліку для Беларусі, пытанне. «Гэта пытанне вайны і міру. Я яго закранаю, таму што яно апошнім часам вельмі палітызаванае. Беларусь знаходзіцца не за тысячы кіламетраў ад канфлікту, ад гэтай вайны, дзе гінуць ні ў чым не вінаватыя людзі, – звярнуў увагу кіраўнік дзяржа- вы. – Мэта адна (я гэта ведаю па Прэзідэнце Украіны і, скажу шчыра, па многіх уцягнутых у гэты канфлікт) – спыніць гэту вайну, захаваць адзінай і непадзельнай Украіну».
«І тут мала дамовіцца, будзем шчырымі, Расіі і Украіне. Можна дамовіцца, але гэтага мала. Будзем таксама шчырымі: страчаны давер адзін да аднаго. У сувязі з гэтым, каб быць абсалютна адназначным і пазіцыю Беларусі разумелі нашы братыўкраінцы і тыя, хто нас пачуе, каб не было рознай балбатні вакол гэтага, я хачу адкрыта заявіць: мы гатовы ўключыцца ў гэты канфлікт там, дзе складана і дзе няма таго даверу, які павінен быць.
Мы гатовы зрабіць гэта, але толькі дзеля аднаго – дзеля міру. Гэту праблему – гэта мой пункт гледжання – павінны вырашыць мы, тры славянскія народы».
«Мы не просімся ні пасрэднікамі, ні міратворцамі. Мы проста за вас перажываем. І калі мы нешта зможам і можам для вас зрабіць, мы гатовы. Я наогул не прымаю, калі ўкраінскую зямлю некаторыя спрабуюць выкарыстоўваць як разменную манету. Украіна заўсёды будзе магутнай, квітнеючай і адзінай, але трэба ўмець дамаўляцца. Сёння трэба спыніць братазабойчую вайну – мы да вашых паслуг», – рэзюмаваў беларускі лідар.
Прэзідэнт Украіны Пётр Парашэнка ўдзячны беларускаму боку за стварэнне ўмоў для работы мінскай перагаворнай пляцоўкі. Кіраўнік украінскай дзяржавы расказаў, як беларускі лідар пайшоў яму насустрач у адказ на просьбу арганізаваць у Мінску перагаворы па спыненні ваеннага канфлікту. Затым – шматгадзінныя перагаворы. «У Мінску былі падпісаны дакументы, якія назаўсёды ўвойдуць у падручнікі дыпламатыі. Яны называюцца мінскімі пагадненнямі», – падкрэсліў Пётр Парашэнка. «Ці давяраю я Лукашэнку? На 100 працэнтаў. І мы пра гэта сёння гаварылі», – заявіў украінскі лідар.
Па словах беларускага лідара, Беларусь настроена на прадметны і канструктыўны дыялог са сваімі ўкраінскімі сябрамі на любым напрамку – няма забароненых тэм. «Наша краіна імкнецца да шырокафарматнага супрацоўніцтва з Украінай ва ўсіх сферах у духу даверу і ўзаемнай падтрымкі», – падкрэсліў Аляксандр Лукашэнка.
Кіраўнік дзяржавы выказаў упэўненасць, што пасля І Форуму рэгіёнаў Беларусі і Украіны міжрэгіянальнае супрацоўніцтва дзвюх краін набудзе новае дыханне.
Прэзідэнт Беларусі Аляксандр Лукашэнка на пленарным пасяджэнні I Форуму рэгіёнаў Беларусі і Украіны назваў перспектыўныя сферы супрацоўніцтва паміж краінамі. Гэта ўдзел у мадэрнізацыі інфраструктуры ўкраінскіх гарадоў, кааперацыя з украінскім горна-металургічным комплексам, транспартная лагістыка, стварэнне сумесных прадпрыемстваў і выхад на рынкі трэціх краін, а таксама прыход украінскага бізнесу ў ПВТ і «Вялікі камень».