Дарожны збор. Што зменіцца?
Механізм спагнання дарожнага збору ў Беларусі зменіцца. Такая інфармацыя прагучала ў эфіры тэлеканала …Беларусь 1» са спасылкай на першага намесніка прэм'ер-міністра Аляксандра Турчына.
У Беларусі створана міжведамасная рабочая група па выпрацоўцы ўзгодненага рашэння па пытаннях вызначэння парадку спагнання дзяржаўнай пошліны за выдачу дазволу на допуск транспартнага сродку да ўдзелу ў дарожным руху, устанаўлення кантролю за яе выплатай. Кіруе яе работай Аляксандр Турчын. Паводле яго слоў, сума падатку застанецца ранейшай, а механізм спагнання зменіцца. «Прынцып: ездзіш – плаці. Калі выехаў на машыне, у цябе павінна быць аплата гэтай дзяржпошліны. Мінімальны перыяд – месяц. Ездзіш месяц, калі ласка, заплаці за месяц. Калі ты плаціш адразу за год, будзе паніжаючы каэфіцыент – каля 80 працэнтаў ад гэтай сумы. Мы адвязваем яе ад выплаты тэхагляду», – сказаў першы віцэ-прэм'ер.
Праект узгодненага рашэння міжведамаснай рабочай групе неабходна падрыхтаваць і ўнесці ў Савет Міністраў да 1 лютага 2019 года.
Уключэнне службовымі асобамі арганізацый, якія займаюцца эксплуатацыяй жылфонду і прадастаўляюць ЖКП або якія налічваюць плату за ЖКП і плату за карыстанне жылым памяшканнем, лішніх сум у жыроўку прыводзіць да папярэджання або накладання штрафу ў памеры да 2 базавых велічынь (1 БВ цяпер складае Br24,5). Размова ідзе аб уключэнні сум за ЖКП, якія перавышаюць кошт паслуг, аказаных спажыўцу, або сум платы за дадатковыя ЖКП без заключэння адпаведных дагавораў на іх аказанне са спажыўцамі, або іншых
Паводле матэрыялаў БелТА.