Перш за ўсё – прафілактыка

Такую задачу ставіць перад сабой кіраўніцтва і калектыў раённага аддзела ўнутраных спраў. Пра тоеI як яна рэалізуецца ў нашым раёнеI на сустрэчы з насельніцтвам расказаў начальнік РАУС Дзмітрый Місюк.

– Малая радзіма ў кожнага свая. У мяне іх было некалькі: Нарач – там я нарадзіўся і жыў, потым – Віцебская вобласць, дзе мне давялося служыць, а цяпер Астравецкі раён. І кожнае месца – гэта не проста кропка на карце, яно для мяне дарагое, любімае і запамінальнае, – сказаў Дзмітрый Аляксандравіч. – У нашай краіне ўсё робіцца для людзей. І нашы сустрэчы – чарговае таму пацвярджэнне. Мы прыехалі не толькі падзяліцца з вамі інфармацыяй, але і выслухаць вас і дапамагчы.

Начальнік раённага аддзела ўнутраных спраў прааналізаваў работу ўчастковых інспектараў Гудагайскага сельсавета, а таксама спыніўся на злачынствах і правапарушэннях, якія тут былі здзейснены. І калі па злачынствах сярод дарослых сельсавет на апошнім месцы ў раёне, то два зафіксаваныя ў раёне злачынствы сярод непаўналетніх здзейснены менавіта тут – прычым аднымі і тымі ж дзецьмі.

– Гэта крадзяжы. І самае страшнае, што бацькі бачылі, што ў іх дзяцей з’явіліся веласіпеды, і ніяк на гэта не адрэагавалі, – падкрэсліў Дзмітрый Аляксандравіч.