Афганцам – медалі і песні
Урачыстае мерапрыемстваI прысвечанае P0-годдзю вываду савецкіх воінаў з Афганістана і Дню памяці воінаў-інтэрнацыяналістаўI сабрала ў кінаканцэртнай зале …Астравец» удзельнікаў вайны ў АфганістанеI прадстаўнікоў мясцовай улады і грамадскіх аб’яднанняўI воінскіх часцей і тыхI хто помніць і ведае гэту дату.
– Афганістан для многіх савецкіх сямей стаў сімвалам гора і страху за сыноў, якія выконвалі свой інтэрнацыянальны абавязак, – адзначыў намеснік старшыні Астравецкага райвыканкама Віктар Свіла. – Сёння мы не толькі аддаём даніну памяці загінуўшым, але і дзякуем тым, хто прайшоў дарогамі гэтай вайны і выжыў.
Старшыня раённага Савета дэпутатаў Ірына Тальчук падзякавала прысутным у зале воінамінтэрнацыяналістам за мужнасць, стойкасць, прыклад самаадданасці – і ўручыла Падзячныя пісьмы райсавета дэпутатаў Юрыю Замару, Уладзіміру Мацкевічу, Валерыю Сенюцю, Васілю Сячынскаму, Уладзіміру Снегуру і Вацлаву Шаткевічу.
– Любая вайна – гэта несправядлівасць, боль, нянавісць, – упэўнена старшыня раённай арганізацыі грамадскага аб’яднання «Беларускі саюз жанчын» Наталля Баніцэвіч. Лідар жаночага руху на Астравеччыне ўручыла падарунак Святлане Ромаш, якая таксама прымала ўдзел у баявых дзеяннях у Афганістане.
– Мы, маці, канешне, не хацелі б для сваіх дзяцей такой школы жыцця, якую прайшлі вы. Мы ганарымся вамі – вы годна выканалі свой доўг, – сказала старшыня раённай арганізацыі грамадскага аб’яднання «Белая Русь» Ірына Раткевіч, уручаючы падарунак Уладзіміру Драгану.
Намеснік начальніка раённага аддзела ўнутраных спраў Вадзім Савіцкі ўручыў Падзячнае пісьмо і грашовую прэмію старшаму прапаршчыку ў запасе Аляксандру Андралойцю.
З рук ваеннага камісара Астравецкага раёна Рамана Курлова астравецкія воіны-інтэрнацыяналісты атрымалі юбілейныя медалі «30 год вываду савецкіх войск з Афганістана».