Акцыя …Наш жывёлавод»
На Астравеччыне завяршылася акцыя «Наш жывёлавод». Падзячныя пісьмы і падарункі ад райкама прафсаюза работнікаў аграпрамысловага комплексу апошнімі ў раёне атрымалі жывёлаводы КСУП «Гудагай».
Апошнія гады ў лідарах па вытворчасці малака трывала замацаваўся КСУП …Гудагай». Тут не толькі робяць стаўку на малочных гігантаў – комплексы …Малі» і …Германішкі»I – але і не забываюць пра невялікія малочна-таварныя фермы – а іх у гаспадарцы ажно сем.
Калектыў МТФ …Дрэвянікі» і Алена Янкоўская
МТФ …Кялёйці»
Стэрэатып пра тое, што моладзь не хоча працаваць у сельскай гаспадарцы, абвяргае загадчыца фермы …Кялёйці» Анастасія Баер. Гледзячы на гэтую прыгожую, маладую, дагледжаную жанчыну, складана паверыць, што яна – мама траіх дзяцей, малодшаму з якіх толькі год і два месяцы.
– На ферме працуем разам з мужам. Калі ішла ў раддом, муж мяне падмяняў на ферме, – расказвае жанчына. – Зараз працую на палову стаўкі. Я нарадзілася і гадавалася на вёсцы, таму без работы не магу.
МТФ …індрубка»
Пра сотню цялят на ферме «Індрубка» клапоціцца жывёлавод Уладзімір Ярашэвіч. У групу да мужчыны цяляткі звычайна трапляюць у 2 месяцы – пасля таго, як навучацца самастойна піць з вядзерца.
Ферма …Слабодка»
Хуткая і ўвішная Наталля Андрушкевіч працуе ажно на тры франты: яна загадвае фермамі па адкорме і вырошчванні буйной рагатай жывёлы у Гудагаі, Слабодцы і Дзягеневе.
МТФ …Рукшаны»
На ферме «Рукшаны» ўтрымліваецца 174 каровы, з якіх 43 – у групе даяркі Марыі Дубіцкай. За студзень жанчына надаіла 21,2 тоны малака, што на 2,3 тоны больш,чым за такі ж перыяд летась.