Ёсць ідэя – будзе і падтрымка
Пачатак тэмы на 1-й стар.
Праект «Азбука бяспекі» рэалізуе Мальскі дзіцячы сад – пачатковая школа.
Гэта ўстанова, з’яўляючыся рэсурсным цэнтрам па асновах бяспекі жыццядзейнасці, з дапамогай спонсарскіх сродкаў змагла набыць гульнёвы комплекс для навучальнага пакою і стварыць адукацыйны квэст, пагуляць у які прыязджаюць і вучні з іншых школ раёна. – Дзеці лепш запамінаюць парады, калі яны даюцца праз гульню, асабліва папулярныя цяпер квэсты – у іх гуляюць нават дарослыя, – тлумачыць дырэктар Мальскага НПК Анастасія Багдановіч. – Праходзячы розныя этапы, школьнікі знаёмяцца з правіламі дарожнага руху і паводзін з незнаёмымі людзьмі, даведваюцца пра небяспечныя гульні, вучацца правільнаму абыходжанню з агнём, аказанню першай медыцынскай дапамогі, а таксама ўдзельнічаюць у спартыўных эстафетах.
Лічба www.ostrovets.by 111 ZALA Праект па арт-тэрапіі распрацавалі ў астравецкім дашкольным цэнтры развіцця дзіцяці №1.
Папярэдзіць у малышоў стрэсавыя рэакцыі, навучыць спраўляцца з негатыўнымі эмоцыямі і захаваць іх псіхічнае здароўе магчыма праз мастацтва і творчасць, лічыць кіраўнік праекта, выхавацель Яніна Сымановіч. – За грантавыя сродкі мы абсталявалі куток арттэрапіі. Яніна Рыгораўна распрацавала серыю заняткаў «Развівайка», на якіх выкарыстоўвае казка- і лялькатэрапію, выяўленчую, музычную і колерную тэрапіі – і гэта нашым выхаванцам вельмі падабаецца, яны ідуць на заняткі з задавальненнем, – расказвае загадчык ДЦРД №1 Алена Васільчык. Дарэчы, у мінулым годзе гэтыя дзве ўстановы таксама атрымалі гранты ад АТ ІК АБЭ на ажыццяўленне сваіх ініцыятыў: Мальскі НПК з дапамогай выдзеленых сродкаў распрацаваў шэраг экскурсій па азнаямленню з асобай нашага славутага земляка Іосіфа Гашкевіча, а ДЦРД – на правядзенне патрыятычнай гульні «Зарніца».