Саюзнікі, партнёры і сябры
sI Форум рэгіёнаў Беларусі і Расіі прайшоў у Санкт-Пецярбургу на мінулым тыдні. На секцыях форуму разгледжаны пытанні фарміравання агульнай адукацыйнайI інфармацыйнай прасторыI культурна-гуманітарныя праектыI супрацоўніцтва рэгіёнаў і іншыя пытанні. На экспертнай сесіі абмеркавана стратэгічнае развіццё Саюзнай дзяржавы. На форуме падпісаны пагадненні аб супрацоўніцтве паміж рэгіёнамі дзвюх краінI камерцыйныя кантрактыI іншыя дакументы аб супрацоўніцтве.
18 ліпеня ўдзел у пленарным пасяджэнні, якое прысвячалася міжрэгіянальным сувязям як аснове фарміравання адзінай культурнай і гуманітарнай прасторы дзвюх дзяржаў, прынялі Прэзідэнты Беларусі і Расіі Аляксандр Лукашэнка і Уладзімір Пуцін.
Аляксандр Лукашэнка прапанаваў да 20-годдзя саюзнага дагавора зняць усе праблемныя пытанні ў адносінах Беларусі і Расіі.
«У снежні 20 гадоў нашаму саюзнаму дагавору. Ні адной праблемы, я так мяркую, мы не павінны вынесці за межы гэтага тэрміну. Гэта нас падганяе. Што мы будзем гаварыць у 20-годдзе? Няма чаго будзе сказаць, калі мы не знімем усе пытанні, якія ёсць, і не падпішам праграму, якая вызначыць стратэгію нашых сумесных дзеянняў. Таму я прапаную зняць усе пытанні да гэтай даты. І ў рамках Вышэйшага дзяржсавета або як мы дамовімся, усё гэта зацвердзіць. І праграму, якая вызначыць стратэгію нашых дзеянняў, і зняць бягучыя праблемы», – сказаў беларускі лідар.
Уладзімір Пуцін асабліва падкрэсліў, што Беларусь, безумоўна, з'яўляецца самым блізкім стратэгічным партнёрам і саюзнікам Расіі. «Мы працуем па ўсіх напрамках. І ў сферы бяспекі, і ваеннай справы, у абаронцы, у эканоміцы. У нас расце тавараабарот, што не можа не радаваць. Расія – буйнейшы інвестар у эканоміку Беларусі», – сказаў Уладзімір Пуцін.
«Але ёсць і пытанні, якія заўсёды ў рамках такой вялікай сумеснай работы ўзнікаюць. Спадзяюся, што гэтая сустрэча пойдзе на карысць для таго, каб рухацца далей», – дадаў Прэзідэнт Расіі.
Аляксандр Лукашэнка ў адказ адзначыў супадзенне поглядаў з расійскім лідарам. «Што датычыцца нас з Уладзімірам Уладзіміравічам, прэзідэнты свой шлях прайшлі. Мы не раз сустракаліся – і ў Сочы, і ў Маскве, і ў іншых месцах. І нас нават падкрытыкоўвалі за тое, што мы часта сустракаемся і нібыта не вырашаем. Мы ўсё вырашылі – тое, што намячалі», – заявіў Аляксандр Лукашэнка.
«Мы вызначылі нават канкрэтныя дзеянні. Як сказаў Уладзімір Уладзіміравіч, стварылі сумесную групу на ўзроўні ўрадаў. Цяпер працуюць урады. Гэта значыць, прэзідэнты выканалі сваю місію, адыгралі сваю ролю, вызначылі ўсё, што ад нас патрабуецца», – падкрэсліў ён.
Па словах міністра эканомікі Беларусі Дзмітрыя Крутога, у час перагавораў прэзідэнты Беларусі і Расіі абмяняліся прынцыповымі меркаваннямі, унеслі некаторыя новыя ініцыятывы і даручылі ўрадам у бліжэйшы час іх адпрацаваць. Пакуль пазіцыі бакоў узгоднены на 80 працэнтаў, але астатняя частка пытанняў мае прынцыповы характар.
Паводле слоў міністра, да пачатку снежня, калі будзе адзначацца 20-годдзе Саюзнай дзяржавы, даручана распрацаваць праграму паглыблення інтэграцыі і дарожную карту па яе выкананні. Акрамя таго, пастаўлена задача дасягнуць прынцыповых пагадненняў для вырашэння бягучых пытанняў, у першую чаргу па цане на газ.
Па выніках VI Форуму рэгіёнаў Беларусі і Расіі будзе заключана кантрактаў на суму не менш як $550 млн. Акрамя таго, у час форуму падпісана 84 пагадненні аб супрацоўніцтве, у тым ліку ў гуманітарнай сферы.