Узнагароджанне за паведамленне
Савет Міністраў удакладніў, як выплачваецца ўзнагароджанне фізічнай асобе, якая садзейнічае выяўленню карупцыі. Абноўленыя правілы прадугледжаны пастановай Саўміна ад 12 верасня №619.
Напрыклад, калі фізічнай асобайпрадастаўленаінфармацыя, прадметы і дакументы, якія дапамаглі выявіць карупцыйнае злачынства; звесткі аб знаходжанні карупцыянера, якога шукаюць; інфармацыя аб месцазнаходжанні грошай і іншай маёмасці, атрыманых у выніку ўчынення карупцыйнага злачынства, а таксама іншая інфармацыя, якая садзейнічае прадухіленню або кампенсаванню шкоды, прычыненай карупцыяй.
Пры садзейнічанні выяўленню, спыненню, раскрыццю або расследаванню карупцыйнага злачынства, якое належыць да катэгорый цяжкіх або асоба цяжкіх злачынстваў, – да 50 базавых велічынь; якое належыць да катэгорыі менш цяжкіх злачынстваў, – да 30 базавых велічынь.
Рашэнне аб выплаце ўзнагароджання і іншых выплат прымаецца не пазней за 6 месяцаў з даты ўступлення прыгавору суда ў законную сілу, прыняцця рашэння па матэрыялах праверкі аб адмове ва ўзбуджэнні крымінальнай справы або спыненні вядзення па крымінальнай справе па падставах, прадугледжаных у п. 3, 4, 7 і 13 ч. 1 арт. 29 і ў арт. 30 Крымінальна-працэсуальнага кодэкса. Узнагароджанне выплачваецца з пісьмовай згоды фізічнай асобы на працягу года з даты прыняцця рашэння аб выплаце.
Парадак і ўмовы накіравання хадайніцтва органа крымінальнага праследавання, выплаты ўзнагароджання і іншых выплат устанаўліваюцца Генпракуратурай.
Пастанова ўступае ў сілу пасля яе афіцыйнага апублікавання.