Вучыліся ў прафесіяналаў
Адпачывалі ў новаваронежскім экалагічным летніку, вандравалі па Расіі, вучыліся ў знакамітага венгерскага фотамастака Вінцэ Балінта і ўдзельнічалі ў міжнародным конкурсе – такімі насычанымі былі два апошніх тыдні жніўня для выхаванцаў Цэнтра творчасці дзя
Прызёр конкурсу Арцём Куцько ля сваёй работы – Унікальную магчымасць стаць удзельнікамі міжнароднага экалагічнага форуму Еcokids-2019, у межах якога быў арганізаваны такі актыўны адпачынак, нашым дзецям падарылі канцэрн «Расэнергаатам» і Новаваронежская атамная станцыя, – расказала дырэктар цэнтра творчасці Святлана Куцько. На форум было запрошана 60 юных фотамастакоў з гарадоў размяшчэння атамных станцый Расіі, Беларусі і Венгрыі. Для дзяцей падрыхтавалі насычаную праграму, якая складалася з навучальнай і забаўляльнай частак. Вучыў выхаванцаў венгерскі фотамастак Вінцэ Балінт. – Вінцэ вельмі любіць прыроду і ў сваіх работах імкнецца перадаць яе прыгажосць, паказаць унікальнасць кожнай яе часцінкі, – расказвае астраўчанін Арцём Куцько. – Ён паказваў свае здымкі, расказваў, як працаваў над імі, падарыў кожнаму кнігу сваіх работ. Гэта вельмі цікавы чалавек. Я шмат чаму навучыўся ў апрацоўцы фота. Кожны дзень удзельнікаў экафоруму чакаў турыстычны маршрут: знаёмства з натурай – знакамітымі мясцінамі Масквы, Рамоні, Архангельскага, Старажавога, Дзіўнагор’я, Крыбор’я, наведванне музеяў, запаведніка, экасцежкі, вяровачнага гарадка, заапітомніка… І пасля экскурсій – майстаркласы ад фотамастака і яго групы. Майстар-клас ад прафесіянала
– Нам паказвалі рэчы, якія маглі б стаць цікавым кадрам, вучылі браць незвычайны ракурс, лавіць святло, Вінцэ Балінт расказваў, што сфатаграфаваў бы ён, тлумачыў, чаму, – успамінае ўрокі фотамастацтва Вікторыя Мілешка. – У канцы дня мы здавалі флэшкі з адзнятым матэрыялам – яго адгледжвалі памочнікі Балінта і адбіралі самыя ўдалыя здымкі. А потым Вінцэ з адабраных вызначаў па два лепшых фота, якія, як аказалася пазней, удзельнічалі ў ІІІ Міжнародным конкурсе «У абдымках прыроды». Пра гэта дзеці даведаліся, калі на падвядзенне вынікаў іх прывезлі ў выставачную залу г. Варонежа, дзе яны ўбачылі свае лепшыя работы. У ліку пераможцаў быў астраўчанін Арцём Куцько, які заняў ІІ месца ў намінацыі «Свет раслін».
Кіраўнік астравецкай групы, дырэктар Цэнтра творчасці дзяцей і моладзі Святлана Куцько расказала, што супрацоўніцтва з Расэнергаатамам у іх толькі пачынаецца і агульных задумак ужо шмат, застанецца справа за малым – усюды і ўсё паспець.