Прафсаюзы
Як прафсаюз падтрымлівае працаўнікоў вёскіI якія праблемы наспелі ў гаспадарках раёна – пра гэта і многае іншае ішла размова падчас справаздачна-выбарчай канферэнцыі Астравецкай раённай прафсаюзнай арганізацыі работнікаў аграпрамысловага комплексуK
Прафсаюз аграрыяў – адно з найбуйнейшых працоўных аб’яднанняў у Беларусі і на Астравеччыне, якое штодзённа вырашае шмат пытанняў: ахова працы работнікаў і асаблівасць аплаты, складаныя ўмовы работы, забяспечанасць працаўнікоў спецыяльным адзеннем і іншыя.
Штогод прафсаюз аграрыяў ладзіць працоўныя спаборніцтвы падчас галоўных сельскагаспадарчых кампаній: вясенне-палявых работ, жніва, корманарыхтоўкі. Падчас зімнестойлавага перыяду ўтрымання жывёлы ў межах рэспубліканскай акцыі «Наш жывёлавод» узнагароджваюцца лепшыя працаўнікі гэтай галіны – пра гэта і многае іншае расказваў у сваім справаздачным дакладзе старшыня райкама прафсаюза работнікаў аграпрамысловага комплексу Юрый Адула. – Нездарма дэвіз нашага галіновага прафсаюза – «Любіць людзей, працаваць для людзей!». Уся наша ўвага, увесь клопат накіраваны на чалавека працы, – адзначыў Юрый Аляксандравіч. – Зразумела, што некаторыя гаспадаркі знаходзяцца ў цяжкім матэрыяльным становішчы, але варта не забываць і пра такія распаўсюджаныя нематэрыяльныя прызнанні працоўных заслуг работніка, як занясенне яго фотаздымка на Дошку гонару прадпрыемства, пісьмовыя падзякі, агучванне прозвішчаў лепшых працаўнікоў на агульным сходзе работнікаў. Людзі павінны ведаць, што іх бачаць і цэняць.