Выбар зроблены!
Выбары ў парламент адбыліся ва ўсіх 110 акругах краіны. Па інфармацыі Цэнтрвыбаркама, яўка па рэспубліцы склала 77,22 працэнта.
32 выбарчыя ўчасткі Астравеччыны 17 лістапада з 8 да 20 гадзін прымалі тых, хто прыйшоў аддаць голас за кандыдата ў дэпутаты Палаты прадстаўнікоў Нацыянальнага сходу Рэспублікі Беларусь сёмага склікання.
На выбарчым участку №46, што размясціўся ў сярэдняй школе №3 Астраўца, усё было ўпершыню: у новай школе адкрыўся новы ўчастак, які ўпершыню ўзначаліла дырэктар установы Людміла Сасноўская.
Галасаванне ў асноўны дзень на ўсіх участках пачалося з апячатвання скрынь для галасавання ў прысутнасці назіральнікаў ад грамадскіх аб’яднанняў раёна: савета ветэранаў, «Белай Русі», прафсаюзаў, БРСМ і «Беларускага саюза жанчын». Сачылі за ходам выбараў і міжнародныя назіральнікі, якія наведалі не толькі гарадскія, але і сельскія выбарчыя ўчасткі.
Многія жыхары раёна галасаваць прыходзілі сем'ямі. Ператварыць дзень выбараў у свята камісіям дапамагалі гандлёвыя кропкі райспажыўтаварыства і музыкальныя нумары самадзейных творчых калектываў і артыстаў раённага аддзела культуры.
Абнародаваны прозвішчы кандыдатаў, якія, паводле папярэдніх даных, выбраны ў склад Палаты прадстаўнікоў Нацыянальнага сходу сёмага склікання. Гэтыя звесткі размешчаны на афіцыйным сайце Цэнтрвыбаркама.
32 выбарчыя ўчасткі Астравеччыны 17 лістапада з 8 да 20 гадзін прымалі тых, хто прыйшоў аддаць голас за кандыдата ў дэпутаты Палаты прадстаўнікоў Нацыянальнага сходу Рэспублікі Беларусь сёмага склікання.
ГРОДЗЕНСКАЯ ВОБЛАСЦЬ:
Ваўкавыская выбарчая акруга №48 – Павел Паканечны, Гродзенская-Занёманская №49 – ірына Луканская, ГродзенскаяКастрычніцкая №50 – Алена Патапава, Гродзенская-цэнтральная №51 – Лілія Кір'як, Гродзенская-ленінская №52 – Тамара Далгашэй, Гродзенская сельская №53 – Аляксандр Аутка, Іўеўская №54 – Аляксандр Маркевіч, Лідская №55 – Валерый Міцкевіч, Нёманская №56 – Уладзімір Сіняк, Замкавая №57 – Аляксандр Сангін, Слонімская №58 – Валянцін Семяняка,
Смаргонская №59 – Віктар Свіла, Шчучынская №60 – Павел Міхалюк.
Першая сесія абедзвюх палат абноўленага беларускага парламента адкрыецца 6 снежня.
Цэнтрвыбаркам падвядзе вынікі выбараў 22 лістапада.