Цана медаля
Устаноўлены памеры грашовых прызоў спартсменам за высокія вынікі на Алімпійскіх, Паралімпійскіх і Дэфлімпійскіх гульнях. Адпаведнае распараджэнне Прэзідэнт Беларусі падпісаў 6 лютага.
Беларускія спартсмены, якія заваявалі медалі на XXXII летніх Алімпійскіх гульнях і XVI летніх Паралімпійскіх гульнях 2020 года, XXIV летніх Дэфлімпійскіх гульнях 2021 года, XXIV зімовых Алімпійскіх гульнях і XIII зімовых Паралімпійскіх гульнях 2022 года, XX зімовых Дэфлімпійскіх гульнях 2023 года, будуць удастоены прызоў у грашовай форме.
За золата на Алімпійскіх гульнях яны атрымаюць грашовы прыз у памеры 12 тыс. базавых велічынь (цяпер гэта Br324 тыс.), серабро – 6 тыс. базавых велічынь (Br162 тыс.), бронзу – 4 тыс. базавых велічынь (Br108 тыс.). Памер прызавых за аналагічныя ўзнагароды на Паралімпійскіх і Дэфлімпійскіх гульнях складзе 4 тыс. БВ, 2,4 тыс. БВ і 1,6 тыс. БВ адпаведна.
Трэнерам і іншым спецыялістам, якія прымалі ўдзел у спартыўнай падрыхтоўцы алімпійцаў, выплачваюцца ўзнагароджанні ў памерах ад 20 працэнтаў да 100 працэнтаў ад кошту іх прызоў (у залежнасці ад ступені ўдзелу).
«Перамовы ў Сочы прайшлі ў канструктыўным, нармальным і абсалютна рабочым ключы. На працягу дня мы некалькі разоў сустракаліся з расійскімі калегамі ў розных фарматах», – расказаў першы віцэ-прэм'ер Дзмітрый Круты, які таксама быў у ліку перамоўшчыкаў з беларускага боку.
Паводле яго слоў, прэзідэнты вельмі шмат часу надалі вынікам знешняга гандлю паміж нашымі краінамі за мінулы год. А таксама надалі вялікую ўвагу разгляду сітуацыі з будаўніцтвам атамнай электрастанцыі ў Астраўцы з улікам запланаванага ў хуткім часе завяршэння работ па першаму энергаблоку. Акрамя таго, на ўзроўні ўрадаў павінны адбыцца перамовы па абмеркаванні ўмоў крэдыту на фінансаванне станцыі.
Першы віцэ-прэм'ер агучыў і падрабязнасці пра дасягнутыя дамоўленасці ў дачыненні да паставак у Беларусь расійскіх нафты і газу.
«Расійскі бок пагадзіўся, што беларускія НПЗ будуць купляць нафту па дамоўленасці з расійскімі нафтавымі кампаніямі па цэнах, якія ўстанаўліваюцца на сусветным рынку. Дарэчы, гэтага ж на працягу ўсіх перамоў неаднаразова патрабавалі
наш Прэзідэнт, беларускі бок. Беларусі не трэба ніякіх спецыяльных эксклюзіўных умоў. Мы хочам купляць нафту па сусветных каціроўках, і не горш», – сказаў Дзмітрый Круты.
Прэзідэнт Расіі Уладзімір Пуцін пагадзіўся з гэтым падыходам і паабяцаў садзейнічанне ў рабоце з расійскімі здабываючымі кампаніямі, у тым ліку ў частцы паставак праз «Транснафта».
Што тычыцца цаны расійскага газу для Беларусі, то ў Сочы было вырашана, што ўмовы будуць не горшым за 2019 год, калі дадзены энергарэсурс пастаўляўся ў краіну па $127 за 1 тыс. куб.м. Гэтая лічба вызначана як базавая на сённяшні дзень у перамовах бакоў. Аднак, сказаў першы віцэпрэм'ер, прысутнічаюць пэўныя тэндэнцыі, якія адбываюцца на сусветных рынках, і профільныя эксперты ў бліжэйшы час ацэняць усю камбінацыю гэтых фактараў.
«Цана $127 зафіксавана ўжо на ўзроўні прэзідэнтаў, – растлумачыў Дзмітрый Круты. – Пастаўлена задача, улічваючы, што ў нас газавы кантракт ёсць пакуль толькі на два месяцы – студзень і люты, усё ж такі вырашыць гэтую праблему на сакавік-снежань 2020 года».