Ліра паэта-святара
Пад акампанемент «Ліры» Казіміра Сваяка ў Спондаўскім дзіцячым садзе – сярэдняй школе прайшла літаратурнакраязнаўчая канферэнцыя з нагоды 130-гадовага юбілею з дня нараджэння паэта.
Сімвалічна, што дата нараджэння славутага земляка, які сваёй святарскай, грамадскай і творчай дзейнасцю дабіваўся роўнага становішча беларускай мовы сярод іншых, прыпадае на пярэдадзень Дня роднай мовы. Традыцыйна ў гэты час у нашай установе праводзіцца тыдзень беларускай мовы і літаратуры, таму даніна памяці і павагі Казіміру Сваяку стала адной з важных складальнікаў праграмы.
Традыцыі
Канферэнцыя сабрала навучэнцаў 511 класаў і настаўнікаў. Школьнікі ўзгадалі біяграфію паэтасвятара, расказалі пра дзейнасць грамадскай арганізацыі «Хаўрус сваякоў», якая дзейнічала пад кіраўніцтвам Канстанціна
Стэповіча падчас яго службы ў клюшчанскім касцёле, разважалі над матывамі вершаў зборніка паэта «Мая ліра».
І канешне ж, гучалі вершы Сваяка: пра веру і мову, радзіму і незалежнасць, творчасць і духоўны свет чалавека. Напісаныя сто гадоў назад мовай адрознай ад сучаснай літаратурнай, радкі твораў паэта змаглі знайсці разуменне і водгук у сэрцах падлеткаў.
Веданню біяграфіі і творчасці славутага земляка была прысвечана і інтэрактыўная віктарына, якая прайшла ў межах канферэнцыі.
Жыццё і дзейнасць Казіміра Сваяка – яскравы прыклад высокай адданасці і любові да роднай зямлі і роднай мовы. Верыцца, што спондаўскія школьнікі будуць годнымі паслядоўнікамі землякапаэта, святарабеларуса ў сваіх грамадзянскіх прыярытэтах.