Твае героі, жніво!
КАМБАЙНЕРЫ
Тройку першых камбайнераў-тысячнікаў замкнулі Браніслаў Каляда і Іван Герасім.
Залатымі шпулькамі саломы жніво каціцца па Астравеччыне – большае тысячнікаў. Вызначыліся амаль усе пераможцы жніўнага спаборніцтва.
Трэцімі ў раёне жаданую тысячу тон збожжа намалацілі Браніслаў Каляда і Іван Герасім з КСУП «Гудагай». У пары механізатары працуюць восьмы сезон. Сёлета ім даверылі новы камбайн КЗС1218 вытворчасці «Гомсельмаш» – тэхніка, працавітасць і жаданне перамагчы далі свой плён.
ВАДЗІЦЕЛІ
Нагадаю: першым сярод вадзіцеляў жаданы рубеж адолеў Валерый Змітровіч. З розніцай у некалькі гадзін тысячу тон збожжа перавезлі Аляксандр Ермаковіч і Іосіф Макарэвіч з КСУП «Гудагай».
Некалькі сезонаў запар Аляксандр Ермаковіч быў памочнікам камбайнера Яўгена Грабоўскага. Гэты экіпаж першым на Астравеччыне цягам апошніх трох гадоў намалочваў тысячу, а потым і дзве тысячы тон збожжа.
– Калі работа на камбайне залежыць ад зладжанасці тандэма, то на адвозе – цалкам ад вадзіцеля. Прыемна, што трапіў у тройку першых тысячнікаў, – падзяліўся Аляксандр.
Іосіф Макарэвіч не ўпершыню перамагае ў жніўным спаборніцтве. Напрыклад, у 2018 годзе сваю перамогу ён прысвяціў дзецям.
АПЕРАТАРЫ СУШЫЛЬНЫХ УСТАНОВАК
Трэцімі на Астравеччыне звыш дзвюх тысяч тон зерня давялі да патрэбнай кандыцыі аператары зернесушыльнага комплексу КСУП «Гервяты» Франц Тотчык, Юрый Баравік і Фёдар Кірпа.
Дарэчы, на працягу апошніх жніўных сезонаў Франц Тотчык і Юрый Баравік траплялі ў тройку першых двухтысячнікаўзернесушыльшчыкаў.