ВАРНЯНЫ, ВАРОНА, БЫСТРЫЦА, ТРОКЕНІКІ…
Сяргей Мядзвецкас, старшыня Астравецкага райвыканкама:
– У нашым раёне 28 памятных знакаў, з якіх 25 прысвечаны Вялікай Айчыннай вайне. Падобныя аўтапрабегі патрэбны для таго, каб мы святкавалі 9 Мая не лакальна, толькі ў Астраўцы, а разам з жыхарамі ўсяго раёна, тым самым падкрэсліваючы наша адзінства. На кожнай кропцы маршруту нас сустракаюць дзеці – наша будучае. Мы, дарослыя, перадаём ім эстафету памяці, гаворачы пра страшныя падзеі, якія адбыліся на тэрыторыі Беларусі ў 1940-я гады. Як вядома, калі ўрокі гісторыі наступныя пакаленні не вывучаць, то падзеі абавязкова паўтарацца. Каб так не здарылася, мы павінны памятаць і паважаць тых людзей, якія здабылі нам усім мірнае неба.
– Брацкай магіле ў нашым аграгарадку заўсёды ўдзялялі шмат увагі. Таму што гэта наша памяць пра тых, хто аддаваў жыццё за сённяшні светлы дзень і мірнае неба. Дзеці і калектыў школы, мясцовыя жыхары прыглядаюць за гэтым месцам. Калі працавала ў школе, мы адшукалі родзіча аднаго з пахаваных тут салдат. Ён быў з Ташкента. Доўгі час падтрымлівалі з ім сувязь, перапісваліся. Аднойчы ён нават прыязджаў у Варняны. І кожны год вяскоўцы збіраюцца каля брацкай магілы, каб ушанаваць памяць загінулых і схіліць галовы перад іх подзвігам.
Анжаліка Янкойць, вучаніца Варонскай пачатковай школы:
– У брацкай магіле ў Вароне знайшлі супакой 59 вядомых і 2 невядомыя салдаты. На жаль, не дажылі да сённяшніх дзён ветэраны Вялікай Айчыннай вайны Антон Антонавіч Стакун і Рыгор Вікенцьевіч Мятлеўскі, якія жылі ў нашым аграгарадку. Але мы памятаем пра іх і старанна выконваем сваю задачу – прыглядаць за месцам пахавання.