Акварэльнае «Імгненне»
Апошняя прыжыццёвая выстава Аляксандра Карпана адбылася ў 2013 годзе, калі яму споўнілася 60 гадоў. І, як успамінаюць блізкія, ён адразу пачаў рыхтавацца да наступнага юбілею. Аднак жыццё спынілася на паўшляху да яго — Аляксандра Фёдаравіча не стала ў 2016-м.
Уабласным мастацкiм музеі ўсё ж днямі адкрылася выстава, на ёй сабраліся калегі, вучні, прыхільнікі таленту, сям’я Аляксандра Карпана. Яго ўспаміналі як таленавітага, добрай душы чалавека, які любіў спяваць пад гітару рамансы, украінскія песні (яго радзімы па нараджэнні), сябры любілі яго за гумар, тактоўнасць і пры гэтым нейкую «зубатычынку». Мастак заўсёды вельмі шчыра дзяліўся сваімі ведамі ў тэхнічных дасягненнях акварэлі, вучыцца ў майстра мелі за шчасце ўсе студэнты, бо Аляксандр Карпан лічыцца адным з самых таленавітых беларускіх акварэлістаў канца XX — пачатку XXI стагоддзяў, і 35 гадоў Аляксандр Фёдаравіч выкладаў малюнак, жывапіс і кампазіцыю на мастацка-графічным факультэце ВДУ імя П. М. Машэрава. Ён быў адным з самых паважаных педагогаў, сапраўдным прафесіяналам сваёй справы.
За апошнія два дзесяцігод- дзі А. Карпан атрымаў прызнанне і вышэйшыя адзнакі на буйных міжнародных акварэльных біенале. Мастак узнагароджаны вялікім медалём Таварыства акварэлістаў Санкт-Пецярбурга. Сярод апошніх — прэмія гарадской Думы горада Ліепая, атрыманая ім літаральна незадоўга да смерці па выніках удзелу ў міжнародным пленэры «Ліепайская марына-2016». Творы А. Карпана захоўваюцца ў зборах Полацкага гісторыка-архітэктурнага музея-запаведніка, Віцебскага абласнога краязнаўчага музея, аддзелаў культуры і фондах гарадоў Германіі, у прыватных ка- лекцыях па ўсiм свеце.
Аляксандр Карпан быў адным з актыўных членаў творчай суполкі «Віцебская акварэль». Яго няма, але дыялог з гледачамі працягваюць пакінутыя работы, напісаныя не толькі фарбамі, але, здаецца, і гукам. I наогул, мастакі маюць своеасаблівую прывілею — яны не ўміраюць, а жывуць дзякуючы сваёй творчасці. «Імгненне» — так называецца выстава Аляксандра Карпана. Дзіўны калейдаскоп застыўшых у часе цудоўных імгненняў творчасці выдатнага майстра акварэлі можна ўбачыць да канца года.