Сяброўства, адзінства і згода
Нагасціннайбеларускайзямлі спрадвекумірнасуіснуюць прадстаўнікішматлікіх нацыянальнасцяў,штояскрава праілюстравалаабласноесвята нацыянальныхкультур «Насз’ядналазямляБеларусі»
Сёлета шматлікіх гасцей з розных куткоў вобласці сустракаў Верхнядзвінск. У раённым Цэнтры культуры і народнай творчасці былі прадстаўлены выставы нацыянальных кухань і вырабаў майстроў народных мастацкіх рамёстваў Віцебшчыны.
Аматарскае аб’яднанне стараверскай кухні, гульні і абрадаў «Староверские стряпухи», што прадстаўляла Шаркаўшчынскі раён, частавала стравамі Каляднага паста — гульбішнікамі і бабовымі камамі, аўсянікамі ды капуснікамі, прыгатаванымі ў рускай печцы.
З нацыянальнай культурай Арменіі знаёміў народны клуб армянскай культуры «ХАШ» (Полацкі раён). Гасцінна запрашаў да свайго стала народны клуб нацыянальнай кухні і гульні «Шчадроўка» (Докшыцкі раён). «Стол у пост — багат і прост» — пад такой назвай прапаноўваліся посны хлеб, аладкі, каўбаса з дранкі, клёцкі з грыбамі, поліўка на агурковым расоле.
Адметнасцямі стала народнага клуба беларускай нацыянальнай кухні і фальклору «Кумачкі» (Глыбоцкі раён) акрамя паласатага сыру, супу з гарбузоў і карпа на посцілцы з морквы, былі сарокі — аржаныя булачкі, што гатаваліся на вяселле. Пасярод стала месціўся масляны баран — страва, што мае статус нематэрыяльнай каштоўнасці нашай краіны. Гаспадыні Бігосаўскага СДК прадставілі стравы рускай, украінскай і таджыкскай кухні.
З чаго гатуецца мардоўская страва «Мядзвежая лапа» і дэсерт «Кіём гарбузовы», расказвала госця з Міёрскага раёна Святлана Сосік.
Кожная прэзентацыя народнай кухні здзіўляла не толькі адмысловымі стравамі з арыгінальным афармленнем, але і вясёлымі прыпеўкамі, загадкамі і пералівамі гармонікаў.
Жадаючыя маглі не толькі пачаставацца, паназіраць за майстар-класам гаспадынь, але і набыць арыгінальны выраб на вы
ставе дэкаратыўна-прыкладнога мастацтва. Вязаныя цацкі і абярэгавую вышыванку прывезла на свята з Полаччыны Таццяна Красікава. А лепельская майстрыха Наталля Петухова дэманстравала не толькі частку сваёй калекцыі лялек у розных нацыянальных строях, але і вышываныя сумкі, вязаныя рэчы і нават упрыгожанні.
Тут жа размясцiлiся «Дыван сяброўства» з Дуброўна, украінская вышыўка майстра Ганны Краўчонак з Ушачаў, гліняныя цацкі і аплікацыі з саломкі ад бешанковіцкіх майстроў.
Затрымалася журы і каля выставы, прадстаўленай шаркаўшчынскімі майстрамі Яўгенам Ананічам і Сяргеем Рымдзёнкам — вядомымі рэзчыкам па дрэве і ганчаром. На іх сталах месціліся драўляныя цацкі і гліняны посуд, тут жа вядомы брэнд Шаркаўшчынскага раёна — сувенір «Яблык»…
Свята прадоўжыла канцэртная праграма, падчас якой індывідуальныя выканаўцы і творчыя калектывы выступілі перад журы і гледачамі з нацыянальнай музыкай, песнямі, танцамі і літаратурнымі творамі.
Свята з’яўлялася адборачным турам XIII Рэспубліканскага фестывалю нацыянальных культур. Рэспубліканскае журы падвядзе вынікі і запросіць лепшых выканаўцаў у 2020-м у Гродна на фінальную падзею фестывалю.
— Нас з’яднала зямля Беларусі. Тут паважаюць прадстаўнікоў усіх нацыянальнасцей як паўнапраўных грамадзян нашай краіны. Вы ўзбагачаеце нашу агульную нацыянальную культуру. Мы ўдзячныя вам за творчасць. Усё, што сёння мы бачылі, назаўсёды застанецца ў нашых сэрцах,— адзначыла намеснік начальніка ўпраўлення культуры аблвыканкама
Галіна Баркевіч.