Sunatuinnait Inuusinit 2
Qimuksiutit qimmiit ammalu ikluvigaq; pualuk; pinguarutit sauniqmut pigijanga ataatama; ataatama .308 qukiutinga ammalu savinga pisimainnaujaqtangit; Igangit sanasimajut tuktuup nakjunganik; aqviq ovvalunniit aiviq qimiqjungit (sauniga angutisiutituaguuq); ataataga tuktuliaqsimaluni asivaqtuqsiutingit; unaaga, taapna obannut tunisimajanga ammalu taapna suli pisimajara (sanalausimajanga piqannaaqtaulausimanani suli, makuktuulaaluluni); una mikijuq ujarakuluk nanilauqtara ataani maniraqmi una kiinaga uluup immakalanitaaluk; tuktuup tuinganik qalurautiqasuut; Paliisikut uqalulauqtut Gordon-mut, una tuqulauqtuq umiaqtuq&uni piquluaqiluni Kinngani; qupanuaq (qupanuanik piuksaqtunga, taimalu taapna takvunga ililugu); tasiuktiruti kamiiknut; mikiyuq tikiq; mikiyuq miqutausivik; E7 inuit naasautigit kavamakunut ajinguaga takulauqtara uqalimaagaliarisimajuni; ataatama sanarutigit matitautiliuq&uni; anima mikijuuk qamutingguagik; kapuvinga qaumaqutinut ikumavalisaaq&uta; ittaqnisaq imalik titirauti katingasuut atuqtausuut titiraujaqtunnit; aluutialaaq atusuurijavut iqalugasuk&uta aputaijautigilugu aklukmut; panikak iqrusiq; sivulliqpaaq inuuniqsautiga; nutaralaaq kiggiqtautinga; aqnaup manniga ammalu angutuip maqinga; maqruunik niaqulik inuk takulauqtara ajinguaqmit (timigik katinggajuit); igiqataat dice pinguarutigisuuvut; kanguup ivavvingga taikanilu pikiutaqpak&uta; nukappiaq ammalu niviaqsiaq qaujisariusivut angutauniqminik ammalu aqnauniqminik ajingiinginamik; mikiliraq katititaujunut; uijaatuinnaqtuq pinguaq; anaanama ammalu ataatama agangita inigit ammalu ovanga isigama tumigit; naasautit pimmariujut ubluit, suuqlu aulaqtiluta nunamut iqaliaq&uta July-mi.