Sunatuinnait Iqaumajakka
Nanuq (piugijakka nanuit, kisiani timima piugingitangit niqirukku niqingit); Ataatama iklumisiutigik; anaanama uunaqtuqautaa qattaq; anaanama tealiurutaa; nasara; ikliunnaqmuk miluuta ujaqamut (aniga sanalauqsimajuq igiqattaaqmik imminut ammalu ovannut); qimmivut inuit qimmilataarigitanga ilaqalauqmat amaruqmik; nuviqsaaksaq taapna anaanagalu ammalu ovanga sanalauqtavut ataatama qiluanga qulitanganut; sivuliqpaaq iqalugasuutiga ammalu ivalunga; nutaak iklumisiutikka kamiik; ataatama kamaalungit upinqqaaq atusuungit; supuugaq; niklisuittut; qikturiat taapkua piugisuuringitavut aujauliraagat; uqaujaq amulauqtara nunatuinami ammalu nirilugu aujakkut; sivuliqpaaq miqutiga ammalu ivalu; sivuliqpaaq paukturiuqtara qisik nakminiq sanajara; angutit ammalu aqnait kukikjuit saugijaqatalauqtaka sikjamit ulisimatinagu; paungait taapkua nuasimajakka ukiaksaaq; aqviup saqpiga aqnanit nirijauniaqtuq; sivuliqpaaq tiriganiaq aaktara ammalu pauktuktara nakminiq; kamilaaqtuqsiutiik sanalauqtaka taapsumanga amiqmit; ujaqatkasuktilugit ikualatitiniq; piti; amauti una anaanama sanajanga; milugiat ulurianaqtut; ataatama pualungit atuqataqniaqtangit upinqraaq; iqalugiuqtara; mikijuq pinguaruti qijuuluni savigajaaknik tiriquqaq&uni pinguarivaluaqtavut; piquti aputaijauti amiqnut annuraanut (una nakjuujunnaqtuq); uqaujaq nirivalauqtara tamaanga iviknit; ataatama nakminiq sanaugani savik; sivuliqpaaq titirautiga ammalu piijaijutiga; tiriganiaqmut kiigiaq taapkua ikajuqatalauqsimajunga aaqiksuq&ugit; aujakkut nunarait piugijakka; paniqsiivik (aturajaqtara nivingajuq qulliup qulaani); sivuliqpaaq uluga; sivuliqpaaq aliqsiikkak; igunaq aiviq; tiguara ukaliq.