Aiviq niriunnginaarsitittijuq Angunasuttimik
1967
Ippigillarittaaluga Aiviq niriunnginaarsitittijuq Angunasuttimik upinnarani tamaittunik titiqtugarajunngimmat Napachie Pootoogook (1938–2002), ammalu ijurnarnialuanik takussautittilluni. Takunnannguariassaq inummik qajarmiituumik aivialuup niaqualuata qaanganiitumik ijurnaviutimmat. Kisiani, taimaittuqallattaaniqqat, kappianarajarngat attanarninganut taimaittualumi uumajumik angijumit naammanaarisijuqarniqqat. Taanna angijualummik tukisinarngat uvanga iliqqusinganik. Pijjutiqarngat Inuit ijurnaqtunik aturajunninginnik pijariatujukkuutillugit uqilliumitittigiaqtutik. Napatchie titiqtugarsimajuq kappianarajaqtualummik angunasuttimut ilallugu ijurnaqtumik tauttunganik kappianaraluaqtillugu atuqtanga tukisijauqullugu.
Taanna titiqtugaq, ammalu angiqtauninnginniminga CEACkunnut 1960nginni, uvannut nilliammijut pijjutigillugu quviagijaqarama Inuusirmik atuqtauvattunik tukisiaqattanirmik. Inuusirmik atuqtauvattunik tukisianiq uvvaluunniit piqqusiqtigut Inuit tukisiagusingit imaittuummata tukisiajunnarniq nalunaikkutarnik tauttungitigut, titiqqaqtigut ammalu avatittinni. Ilagijaujut CEACkunnut ajjisainnanginnik tukisiagajarningimmata Inuit tukisiajanginnik taimaak sanajausimajunit. Ammalu, uggurnaqtuq tukisinirluttaminiuninginnik ammalu saqqiqtauttailiniminingit pigiaqtusaunnirngata tavvani. Qunuumminaqtuq isumagillugu amisualuit sanagait angiqtaunningimmata pijjutigillugit ajjigiinngittunit tautugusiqarninginnik kikkutuinnait silarjuarmik. Piluaqtumilli, taakkua sanajausimajut takuminaqtuinnaungimmata. Napatchie ammalu amisut asingita sanaugangit asiujijausimajuminiit arraagugasaalunnit unikkaaliit titiqtugangitigut. Uvattinnut takujautitauttailisimagaluaqtillugit, tusaagunnarsijavut ammalu ilivvigikkannirunnarsijavut.