Arnaq Irnisuttuq
1983
Arnaq takujassanit tunnilik ammalu kakinilik upalungaijaqtuq irniniarnirminut, avalujausimalluni asinginnut arnanut ammalu atuqtaujariaqarniaqtunut tunngasuttitauluni inuurataaqtukuluk. Inuit sanaugangit naamammata Anaanaup Qiturnganganillu ajjiliit, kisiani Janet Kigusiuq (1926–2005) Arnaq Irnisuttuq ilagijaummat amisuunngittunut titiqtugarnut tauttulinnut arnarmik irnisunnguaqtumik irnijariakillitillugu. Taannalu ajjiunngiujarmijuq ilagijaummat marruinnaanuk titiqtugaannuk Kigusiuq sanasimajanginnik arnannguamik tunnilimmik kakinilimmillu titiqtugarsimajumik.
Takujuminarajaqtuq tukisiniaratta kisunit pijjutiqarnirmangaat taakkuninga titiqtugaqtausimajunit anginngijjutimininginnik CEACkut. Angiqtauninngilaat pijariatujunit atuqtutik sanajausimaninginnut titiqtugait? Titiqtugarunnarninga Kigusiup sanagunnatiarninganik taissumani, ammalu tukiliujjassautiaqtuni Nancy Sevogaup titiqtugattiarunnarninganik. Angiqtauninngilaat pijjutigillugu titiqtugarutiminga? Takuminganngittualummik saqqijaaqtuqanngittuq, ippigusuttiarnituangit upalungaijarningillu irnisuttumut taimatuullutik. Kigusiup sanajaminingit taissumani pijjutiliit pinnarusunnirmik qautamaarsiutinik atuqtausuunit, ammalu arnaq irnisuttillugu pimmariuniqpaangusuungummat qautamaarsiutauvattunit inuusirmi.
Taimaittunit saqqijaaqtuqtaliit takujaugiaqaqtitautinnagit, arnait irnisunnirisuungit takujassautitauvanngimmata Asiujijauningit unikkaat tamakkua mikillitittigutauvammata ikajuutigivattanginnik arnait ammalu aturunniitittillutik pimmariuninginnik anaanauniup nunaqaqtutuqarnit nunalinnit.