ᐊᖓᒃᑯᒃᓴᔭᐅᔪᖅ: ᐊᖓᒃᑰᑉ ᐃᓕᓐᓂᐊᕐᓂᖓ (2021) ᑐᑭᒧᐊᖅᑎᑦᑎᔨ: ᓴᖅᑲᓕᐊᓯ ᑯᓄᒃ 20 ᒥᓂᑦᔅ

ᐊᐅᓚᓪᓗᓂ ᑕᕐᕆᔮᒃᓴᖅ ᐃᓄᖕᓂᑦ ᐅᓂᒃᑳᖅᑐᐊᖏᓐᓂᑦ ᐱᔭᐅᓪᓗᓂ, ᕿᑭᖅᑖᓗᖕᒥᖔᖅᖢᓂ ᓄᓇᕗᒻᒥᑦ, ᐊᖓᒃᑯᒃᓴᔭᐅᔪᖅ: ᑖᓐᓇ ᐊᖓᒃᑯᕐᒧᑦ ᐃᓕᓐᓂᐊᖅᑐᖅ ᒪᓕᒃᑐᖅ ᒪᒃᑯᒃᑐᒥᒃ ᐊᖓᒃᑯᕐᒥᑦ ( ᓗᓯ ᑐᓗᒑᕐᔪᒃ) ᐃᓕᓐᓂᐊᕐᒥᔪᖅ ᓯᕗᓪᓕᖅᐹᒥᑦ ᖃᐅᔨᓂᐊᓕᖅᑐᖅ ᖃᓄᖅ ᐱᓇᓱᒃᑎᐊᕐᓂᖓᓂᒃ− ᓄᓇᐅᑉ ᐊᑖᓄᖓᐅᓂᐊᓕᖅᑎᓪᓗᒍ ᐳᓛᕐᓗᓂ ᑲᓇᖕᓈᓗᖕᒥᑦ ᖃᐅᔨᒪᓪᓗᓂᓗ ᖃᓄᐃᒻᒪᑦ ᓄᓇᓕᖕᒥᐅᓂᑦ ᐃᓚᒋᔭᐅᔪᖅ ᐋᓐᓂᐊᓕᓚᐅᕐᓂᖓᓂᒃ. ᐊᒻᒪᓗ ᐃᓚᒋᔭᐅᔪᖅ ᒫᑕᓕᓐ ᐃᕙᓗ ᓂᖏᐅᖑᐊᖑᓪᓗᓂ ᐊᖑᒃᑰᓪᓗᓂᓗ ᐊᒻᒪ ᔮᑭ ᖁᓐᓄᑦ ᒪᒃᑯᒃᑐᖅ ᐊᖑᑦ.

ᓴᖅᑭᔮᖅᑎᑦᑎᔨᐅᖃᑕᐅᔪᑦ

ᑕᖁᑦ ᓴᖅᑭᔮᖅᑎᑦᑎᔩᑦ ᐃᓄᖕᓄᑦ ᓇᖕᒥᓂᕆᔭᐅᔪᖅ ᑕᕐᕉᔮᒃᓴᓂᒃ ᓴᖅᑭᔮᖅᑎᑦᑎᔨᐅᓪᓗᑎᒃ ᐃᖃᓗᖕᓂᑦ, ᓄᓇᕗᒻᒥᑦ. ᑕᖅᑯᑦᑯᑦ ᑕᖅᑯᑦᓴᐅᑎᑦᑎᔨᐅᔪᑦ ᐅᓂᒃᑳᖅᑐᐊᓂᒃ ᐅᑭᐅᖅᑕᖅᑐᒥᐅᓂᖔᖅᖢᑎᑦ ᓄᓇᕐᔪᐊᓕᒫᒧᑦ. ᑖᒃᑯᐊ ᓴᖅᑭᔮᖅᑎᑦᑎᔨᐅᔪᑦ 11− ᒋᓕᖅᑕᖓᓂᒃ ᑕᕐᕆᔮᒃᓴᓂᒃ ᑕᑯᒃᓴᐅᑎᑦᑎᓕᖅᐳᑦ 18− ᖑᔪᓂᒃ ᓄᓇᕐᔪᐊᓂᒃ ᐊᒻᒪᓗ ᓵᓚᒃᓴᖅᓯᒪᓕᖅᖢᑎᒃ 25 ᐅᖓᑖᓂᑦ ᓯᓚᕐᔪᐊᕐᒥᑦ ᑐᓐᓂᖁᓯᐊᖅᑖᖅᖢᑎᒃ, ᐃᓚᒋᔭᐅᓪᓗᓂ 2020− ᒥᑦ ᐱᐅᒋᔭᐅᓂᖅᐹᒥᒃ ᓇᐃᑦᑐᒥᒃ ᑲᓇᑕᒥᐅᑕᕐᓂᒃ ᑕᕐᕇᔮᒃᓴᒥᑦ ᑐᓐᓂᖁᓯᐊᒥᒃ ᑖᔅᓱᒧᖓ ᓇᓄᕐᔪᐊᕐᒧᑦ (2018). ᑐᒡᓕᕆᓕᖅᑕᖓᓂᑦ ᐊᕐᕌᒎᑉ ᐃᓗᐊᓂ ᑖᔅᓱᒥᖓ ᑕᖅᑰᑉ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᑕᕐᕆᔮᒃᓴᓕᐅᖅᑕᐅᕙᒃᑐᒥᑦ ᑕᐃᔭᐅᔪᒥᒃ ᐊᓈᓇᐅᑉ ᑐᐱᖓ ᑕᑯᒃᓴᐅᑎᑕᐅᓚᐅᖅᑐᖅ APTN− ᑯᓐᓄᑦ ᑕᐃᓱᒪᓂ 2020 ᐅᑭᐅᖅ ᐱᒋᐊᓕᓵᖅᑎᓪᓗᒍ. ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᐅᕙᓂ: taqqut.com ᑭᖑᓪᓖᑦ ᓴᖅᑭᔮᖅᑎᑦᑎᔩᑦ, ᐃᓄᖕᓄᑦ ᓇᖕᒥᓂᕆᔭᐅᔪᖅ ᐊᒥᓱᓂᒃ ᑐᓴᒐᒃᓴᓂᒃ ᓴᖅᑭᔮᖅᑎᑦᑎᔨᐅᔪᑦ ᐃᒡᓗᓕᒃᒥᑦ, ᓄᓇᕗᒻᒥᑦ ᐊᒻᒪᓗ ᐱᒋᐊᖅᑎᑕᐅᓚᐅᖅᓯᒪᓪᓗᓂ 2010− ᒥᑦ. ᑭᖑᓪᓖᑦ ᓴᖅᑭᔮᖅᑎᑦᑎᕙᒃᑐᑦ ᐃᒻᒥᒃᑰᖅᑐᓂᒃ ᐃᓄᐃᑦᑎᑐᑦ ᐅᖃᐅᓯᕐᓂᒃ ᐊᑐᖅᖢᑎᒃ ᑕᕐᕆᔮᒃᓴᓕᐅᖅᐸᒃᑐᑦ ᐊᒻᒪᓗ ᑕᓚᕖᓴᒃᑰᖅᑎᑦᑎᕙᒃᖢᑎᒃ ᐃᓄᖕᓂᑦ ᐃᓱᒪᒋᔭᐅᔪᓂᒃ, ᐃᓕᑕᖅᓯᓯᒪᒋᓪᓗᑎᒃ ᐱᒻᒪᕆᐅᓂᖏᓐᓂᒃ ᓄᑖᓂᒃ ᑐᓴᒐᒃᓴᐅᔪᓂᒃ ᐊᒻᒪᓗ ᐃᓱᒪᒃᓴᖅᓯᐅᕈᑕᐅᔪᓐᓇᖅᑐᓂᒃ ᐱᓕᕆᔾᔪᑎᓂᒃ ᐊᑐᖅᖢᑎᒃ ᓯᕗᓂᒃᓴᒧᑦ ᑐᓴᐅᒪᖃᑦᑕᐅᑎᔾᔪᑎᒃᓴᓂᒃ ᐅᑭᐅᖅᑕᖅᑐᒥᑦ ᑕᒪᑐᒪᓂ 100- ᓂᒃ 21− ᓂᒃ ᐊᕐᕌᒍᓂᒃ ᐊᑐᖅᖢᑎᒃ. ᐱᓕᕆᐊᕆᖃᑦᑕᓚᐅᖅᓯᒪᔭᖏᓐᓂᑦ ᐃᓚᒋᔭᐅᔪᑦ ᐃᓄᐃᓪᓗ ᐃᖅᑭᓖᓪᓗ ᐃᓱᒪᒋᔪᓐᓃᖃᑎᒌᖕᓂᖏᑦ (2013), ᒪᓕᒡᓗᑎᑦ - ᕿᓂᖅᑏᑦ (2016), ᐊᖑᓇᓱᖕᓂᖅ ᓯᕗᓪᓕᑦᑎᓐᓂᒃ ᐱᖃᑎᖃᖅᖢᑕ (2017) ᐊᒻᒪᓗ ᓄᐊ ᐱᐅᒑᑦᑑᑉ ᐃᓅᓯᖓᓂᒃ (2019). ᖃᐅᔨᒋᐊᒃᑲᓐᓂᕈᓐᓇᖅᐳᑎᑦ ᐅᕙᓂ: isuma.tv/kingulliit-productions

ᑖᒃᑯᐊ ᑮᓇᐅᔭᖃᖅᑎᑦᑎᔪᑦ ᓄᓇᕗᒻᒥᑦ, ᓄᓇᕗᒻᒥᑦ ᑕᕐᕆᔭᓕᐅᖅᑏᑦ ᑯᐊᐳᕆᓴᒃᑯᑦ (NFDC) ᐃᑲᔪᕐᓂᖃᓚᐅᖅᐳᑦ ᑖᒃᑯᓄᖓ 100 ᐅᖓᑖᓃᑦᑐᓄᑦ ᓴᖅᑭᑎᑕᐅᕙᓪᓕᐊᔪᓂᒃ ᐊᒻᒪ ᓴᖅᑭᑎᑦᑎᔨᐅᔪᓄᑦ ᑕᐃᒪᖓᓂᑦ ᓇᓂᔭᐅᓚᐅᖅᑎᓪᓗᒍ 2004- ᒥᑦ. ᑕᒪᑐᒪᓂ ᐅᑭᐅᒥᑦ ᒪᕐᕉᖕᓂᑦ ᑕᕐᕆᔮᒃᓴᓂᒃ ᓴᖅᑭᑎᑦᑎᓚᐅᖅᐳᑦ ᑕᑯᔭᐅᓂᐊᖅᑐᓂᒃ ᑕᕐᕆᔭᕐᕕᐅᔪᓂᒃ, ᐊᒻᒪᓗ ᑕᓚᕕᓴᒃᑯᑦ ᑕᑯᔭᐅᓛᖅᑐᓂᒃ ᐱᓕᕆᕙᓪᓕᐊᓕᖅᖢᑎᒃ ᐃᖃᓪᓗᖕᓂᑦ, ᓄᓇᕗᒻᒥᑦ.

ᐃᑲᔪᖅᑎᐅᔪᑦ ᑕᖅᑯᑦ ᓴᖅᑭᔮᖅᑎᑦᑎᔩᑦ ᐊᒻᒪᓗ ᑭᖑᓪᓖᑦ ᓴᖅᑭᔮᖅᑎᑦᑎᔩᑦ