黐線佬

每次見到張建聲，都會想起他在《壹獄壹世界：高登闊少踎監日記》的肥仔監躉和《反黑》的「招積」，雖然他真人非常有禮，但總是覺得滲透著一陣恐怖黐線味。初出道時的靚仔斯文形象？早已俱往矣。

「入行前做過兩年模特兒，之前有覺得自己是小生樣，但《一路向西》和《壹獄壹世界》後，明白首先要拋開自己的樣子，才可以發揮到演技。我想做靚仔，但驚處理不到，有些演員內裡靚仔已夠，好像《衝上雲霄》的 Sam哥，他就是靚在裡面，這種靚比外表更重要。《壹獄壹世界》後，我愛上飾演奸角，因為有更大創作空間去發揮，老闆蕭定一說過，不要怕被定型，先做好自己角色，再慢慢嘗試其他。拍《反黑》「招積」的那段時期，漂了8個月白髮白眉，由於劇集未出街，為免麻煩，在街上看到警察，我都會調頭走。始終好人好姐不會打扮得如此誇張，不少人見到我都會彈開，覺得我是黐線佬，所以要長時間戴帽和眼鏡遮掩。《反黑》出街後，看到觀眾們驚我，反而很感恩，這就是我想要的效果。試過坐uber 後司機inbox 我，說剛剛車過我但很驚我，連合照都不敢影。」