青雲阿Sa 林峯新片搵命博

Oriental Sunday - - Contents -

英皇電影《神探大戰》上周》上周三(19日三(19日)於灣仔舉行煞科宴)於灣仔舉行煞科宴,英皇集團主席楊英團皇集 主席楊受成、導演韋家輝、主角劉青雲、蔡卓妍、林峯、湯怡、吳浩康、何佩瑜等都有出席。

導演韋家輝表示今次相隔十年再任導演,全因要等青雲嘅檔期,青雲笑言:「佢咁講客氣啫!但佢搵我係有道理嘅,我發覺我真係好適合拍佢嘅電影,你做到乜佢都會畀你做。」青雲自嘲是被虐狂,甘願為韋家輝冒險跳入激流拍戲,更險被沖走,「有一場戲我要跳落激流,水入面有好多石頭,拍之前武師有試一次,我拍咗兩個take,都有刮損手,因為啲水好急,差啲沖咗出閘。」青雲又大讚阿Sa好大膽,演出搏命:「原本我有啲擔心佢,但今次發掘到佢嘅潛質出嚟,同以往演出好唔同,又拍爆炸、吊威吔、跳海、開快車,聽講得我做到倖存者,坐到佢開嘅快車好驚險。」

阿Sa險焗死

女主角阿Sa於片中要飛車、跳海、九樓吊威吔、行屎渠及大量爆破場面,阿Sa話拍到差啲死:「每個鏡頭都有『生命冇Take 2』嘅感覺,好似有一幕講我畀人用保鮮紙包住個頭,劇組本來篤咗兩個窿畀我抖氣,但導演話鏡頭睇到唔得,個shot拍咗一分鐘,腦部缺氧,真係有死嘅感覺,拍完堅想嘔。」至於林峯話好榮幸可以同韋家輝首度合作,笑言每日要打醒十二分精神拍戲,林峯話試過無間斷拍足36小時,就算佢有畏高都要頂硬上拍高空場面:「個劇本不斷變,未埋位前都唔知發生乜事,精神同肉體好大挑戰,但絕對值得!戲中冇咩係唔驚險嘅場口,好多高空拍攝,我畏高,冇辦法惟有頂硬上,日日都好似拍戰爭片咁。」

青雲同阿Sa拍攝《神探大戰》同樣搵命博,爆炸、跳海、飛車等危險場面乜都有,阿Sa指導演精益求精,臨場才收劇本,開拍頭一個月壓力好大:「每日都唔知自己要做咩,令我懷疑過自己唔識做戲,壓力大到個樣灰晒。」

▲英皇電影《神探大戰》舉行煞科宴,導演韋家輝聯同劉青雲、蔡卓妍、林峯、湯怡、吳浩康、何佩瑜等都有出席。 ▲吳浩康、何佩瑜、湯怡表示有幸能夠參演《神探大戰》,台前幕後都非常專業,湯怡仲冧爆大讚青雲好man、好正!

▲青雲、阿Sa、林峯三位主角今次都瞓身演出,的確令人期待!

Newspapers in Chinese (Traditional)

Newspapers from China

© PressReader. All rights reserved.