鍾舒漫處女show閃bra騷胸

Oriental Sunday - - Contents -

鍾舒漫入行11年首個演唱會《鍾舒漫R U Sher ? Live in Concert》於上周二(18日)喺麥花臣場館圓滿結束,今次係Sherman第一個賣飛演唱會,除咗獲其所屬的英皇娛樂CEO許佩斯同COO霍汶希支持,圈中一眾好友包括吳浩康、洪卓立、羅力威同老婆雨僑、鄭融、小肥、許靖韻、曾樂彤、陳凱彤等都有到場支持。Sherman喺台上除咗大唱經典歌,仲有連場勁歌熱舞,全場好似開party咁hyper!

一開場Sherman以銀色閃爆西裝配bling bling bra top同熱褲性感上陣,先唱兩首快歌〈My Rodeo〉、〈 Shout〉同經典歌〈好好擁抱〉熱身,之後佢喺台上玩quick change,瞬間露出玉背令觀眾起哄大叫好sexy!之後佢同四位dancers大跳以九十年代曲風嘅medley,仲由台上跳落去觀眾席㖭!好姊妹王君馨仲同Sherman合唱〈隱型〉,二人喺台上扭腰趷籮,睇到人流晒鼻血!之後衛蘭、衛詩驚喜現身,加埋妹妹鍾舒祺,五人合唱嘅英文歌〈I'll be there〉掀起全晚高潮。Sherman喺台上感謝一班好姊妹:「多謝佢哋一知道我開音樂會,就即刻報名要嚟撐場。」王君馨大讚Sherman:「佢除咗有passion,仲好清楚自己,好有性格。見住好朋友每一年都進步,做緊自己鍾意嘅嘢,真係好正呀!」衛蘭亦都話見到Sherman終於有自己嘅演唱會真係好開心,仲喺台上「示愛」:「呢幾年見住你喺音樂同信仰上嘅成長,係感動,I love you baby!」

▼ ▼為表支持,好姊妹王君馨特意上台同Sherman合唱一曲,令Sherman好感動。

▼衛蘭、衛詩驚喜現身,加埋妹妹鍾舒祺仲有王君馨,五人以純白裝束亮相獻唱英文歌〈I'll be there〉,掀起全晚高潮。

▼ Sherman同妹妹鍾舒祺合作無間,姐姐開騷,當然出心出力支持,Sherman好感性咁話:「入行有段時間遇上失意,冇咗初出道時唱歌嘅自由,唔記得咗點樣唱歌,到今日好希望將儲咗11年、最好嘅嘢同大家分享。」

▼演唱會結束後,仍有大批觀眾唔捨得走,仲衝晒去台前大叫encore,最後Sherman再次上台唱出代表作〈給自己的信〉。

Newspapers in Chinese (Traditional)

Newspapers from China

© PressReader. All rights reserved.