趙薇周冬雨拍廣告大陣仗

Oriental Sunday - - 太 八姨 記 手記 -

香港香港歷史悠久中西合璧文化獨特,所以周不時都有外地甚至荷李活大製作拍到嚟香港搵歷史悠久中西合璧文化獨特 所以周不時都有外地甚至荷李活大製作拍到嚟香港搵靚景,認真識貨!早排就又有國際服裝名牌拉大隊去咗天水圍龍園取景拍攝新廣告,話明係大品牌,女主角卡士當然有番咁上下,分別係今時今日已經成為名導兼富豪嘅趙薇,同埋年紀輕輕榮登影后嘅周冬雨。

國際級製作果然排場都唔同,有兩架大型流動化妝車長駐,另三五架工程車隨行,仲有中西國籍工作人員數十人,趙薇、周冬雨又各自帶埋幾個私人助手、梳化服侍,再加上品牌方面專程請埋大隊明星保安負責擔遮、清場同阻擋鏡頭,拍個廣告閒閒哋動員幾百人,認真大陣仗!八姨太都知國際製作保密功夫要做足,工作人員一輪又一輪上前阻攔亦係職責所在,不過你有你遮,26歲周冬雨喺背後揞嘴鬼馬偷偷笑,咁真情流露又可愛,又點忍到手唔舉機呢?

▲天水圍龍園外景保安嚴密,周圍被黑布包圍,防止記者和街坊拍攝。

▲國際級製作果然架勢,除出動兩架流動化妝車、多架工程車同接載工作人員小巴侍候外,每位女星出場都仲有梳化服侍和私人助手同保安專人人牆護駕。

▲除咗趙薇同周冬雨,當日仲有一位迷你版趙薇參與拍攝,天雨路滑,仲有專人抱佢出拍攝場地。

嘅日趙理薇萬依機然自好然忙一碌分喺一度秒撳都電不話能。浪費,化住妝

▲工作人員出手阻攔拍攝,周冬雨就忍唔住揞嘴笑,鬼馬又可愛。

Newspapers in Chinese (Traditional)

Newspapers from China

© PressReader. All rights reserved.