الثعلب المكار

حا بنوته جميلة جدا جدا وشاطره كمان ودايما حتاخود المركز الاول فى بطوله الجمباز، ودا بيخليها ديما تحافظ على اكلها وتاكل اكل صحى عشان دايما تفضل من الابطال. ليها واحده صحبتها اسمها رنا كانت دايما من حا تغير وتحس انها احسن منها فى كل حاجه ودا بقى يخليها دايما تقنع حا انها تعمل حاجات غلط وتقول ليها عادى كلنا بنعمل كدا، وبدأت رنا تقرب من حا وكانت عايزه تكون ليها اقرب صديقه وبدأت تخليها تهمل دروسها ومذاكرتها وكمان تاكل اكل مش صحى، وقالت ليها ايه يعنى اللى هيحصل كلنا بناكل حلويات وشكولاته انت بس اللى مزوداها. وبدأوا كل ما حا ترفض حاجه تتريق عليها وتخلى كمان باقى اصحابها يضايقوها. رجعت حا البيت زعانة وتقول لمامتها مش عايزه العب جمباز تانى. ردت وقالت ازاى يا حا دا انت بطلة كبيرة وبتحبى جدا الجمباز.. حكت ليها عن صاحبتها رنا ضحكت مامتها وقالت رنا غيرانه منك وعشان مش عارفه تكون زيك عايزاكى انت تبقى زيها. لا يا ماما دى بتحبنى قوى قوى.. هى لو بتحبك مش هتقولك حاجه تضرك وكمان تقولك خبى عن مامتك. اعرفى دايما يا حا اى حد يقولك خبى حاجه عن مامتك يبقى الحاجه دى غلط، وكمان دا حد مش بيحبك لان مفيش سر على ماما أبدا يا حبيبتى بس انا برضه عارفه انها بتحبنى. طيب ايه رايك احكى ليكى حدوته التعلب المكار.. انت عارفه ليه سموه مكار؟ لا يا ماما مش عارفه طب تعالى نشوف.

كان فى تعلب مكار ماشى يوم فى الغابه وقع على الذيل بتاعه صخرة كبيرة خلت ذيلة يتقطع، اتوجع جدا جدا وبقى مكسوف من شكله وحس انه بقى شكله وحش مش زى كل اصحابه، فضل قاعد فى بيته مش عايز يخرج يدوبك يخرج يجيب اكل من غير ما حد يشوفه.. وفى يوم شافه تعلب صاحبه قاله فين ذيلك، قاله إيه دا انت لسه بذيل دا انت فايتك كتير، دا انا فرحان جدا مبسوط انى معنديش ذيل وحاسيس انى خفيف ونشيط. راح الثعلب التانى قاطع الذيل بتاعه ووجعه جدا جدا وبقى شكله هو كمان وحش وحاسيس انه كل اصحابه هيتريقوا عليه. راح للثعلب المكار وقاله انت ليه مقلتش انى ها اتوجع كدا.. انت ليه كدبت عليا. قاله عشان كنت ها تتريق عليا.. كدا بقينا زى بعض تمام وخلى بالك لو شافك حد وعرف ان احنا عندنا مشكله هنكون ضعاف ومحدش هيرضا يلعب معانا ولا حد يكلمنا. وبقى كل ما يشوفهم ثعلب يفهموه انهم كدا مبسوطين لحد ما يروح يقطع ذيله عشان بس ميحسوش ان عندهم مشكله. ردت حا: ياه يا ماما دا انا كنت ها اخسر كتير قوى لو سمعت كام رنا وسبت الجمباز، شكرا يا ماما جدا انا من النهارده مش هخلى كامها تانى يضايقنى بعد ما عرفت حكاية الثعلب المكار.