Tavoci na Ituvatuva Ni Koro o Vuci
Sa mai tavoca na ituvatuva ni koro o Vuci (Vuci Village Strategic Plan) mai Tailevu ena siga Moniti, ena dua na valenisoqo (Pavilion Hall One) ena rara na Albert Park, na Turaga Paraiminisita o Voreqe Bainimarama. E tukuna ni tuvatuva qo sa dua na cavuisausau levu ena koro o Vuci. “Ena siga edaidai eda mai marautaka na cavuisausau ni nomudou tuvatuva-ka ena veisiga ni mataka ena kena mai tavoci na Vuci Villlage Strategic Plan,” era tukuna . Era tukuna ena sega walega na tatadra kevaka e sega ni tuvai matau e dua na kena ituvatuva. Ni tiko na ituvatuva ena qai rawa ni cakacakataki na tatadra me vakavotukana. Era kuria, ni sa rui bibi talega kina na kena talevi lesu na veiqaravi sa qaravi oti kei na veiliutaki e tutaka na kunei ni tatadra. Era tomana talega ni sega ni kavou vei ira na sasagataki ni tatadra baleta ni tatadra vata vakaoqo sa tiko vei ira ena gauna era tekivuna kina na nodra liutaka na noda matanitu.
Oqo e dua na tatadra ni kena sagai me tarai cake na noda vanua, e kunei kina na bula sautu vakailavo, na tiko vinaka ka vakauasivi na bula veilomani.
Na tubu ni noda vanua era kaya, e yavutaki mai ena tuvatuva-ka a qarava mai na nodra matanitu, ka ratou cakacakataka na veika eratou tuvalaka, ka vunautaka ena kena tosoi ki liu na noda vanua.
Era kaya ni sega ni dua na ulubale ni sa vakarautaki vei ira na iyaragi kei na gacagaca ni veivukei mera qarava kina na nodra bula sautu kei na tiko vinaka. Na veivakatorocaketaki oqo era kuria, esa ivakaraitaki vei ira ni sa dodonu mera tuvana vakamatau na nodra itosotoso. Ena matalia ka taleitaki na tuvatuva oqo ni sasaga vinaka oqo e lako saraga mai vei kemuni na lewenikoro.
Era tukuna ni nodra matanitu ena tadolova na veimata ni katuba ni sasaga ka sa qai vakatau vei ira yadudua na lewenivanua na nodra torova na veivuke vakaoqo.
Vei kemudou mai Vuci, era tukuna, na tuvatuva-ka oqo esa tiko mera tuvana kina na nodra sasaga me rawati kina na sautu, ena tubu ni nodra bula vakailavo ka vakauasivi na tiko vinaka. Era marautaka vakalevu ni qai mai rogoca ni nodratou tuvatuva-ka levu ni matanitu ka vakatokai tiko na 5-year kei na 20-year National Development Plan, ka tuvani tu kina vakamatau na vanua eda kakavaki kina ena veiyabaki sa bera mai. “Vei keda na mata veiwekani, ena gauna eda tuvatuva-ka kina baleta na gauna se bera mai e vakaraitaki ni noda kakavaka tiko ka kauwai ena noda bula ni veivakatorocaketaki. Au sa vakanuinui tiko ni na levu na noda veikoro era na vakadamurimuria na tuvatuva-ka vakoro sa dou qarava rawa, me rawati kina na bula sautu kei na tiko vinaka.” Era sa vakadeitaka talega ni matanitu ena tu vakarau me na vukei iratou mai Vuci ka vaka kina na veikoro ena itikotiko era qarava na veituvatuva vakaoqo.