Na meke e tiki ni veivaka­ma­rautaki vaka iTaukei

Fiji Sun - - SIGA VOU - Feed­back: maikab@fi­jisun.com.fj

Sa mai yaco toka na ita­lanoa me baleta na meke ena vakatara. Ni wil­i­wili sara yani.

Na Vakatara:

E rawa ni da kaya ni tolu ga na domo ena vakatara: O koya e laga, o koya e tag­ica kei ira na droku. E na so tale na gauna e rawa ni dua e laga muria se ca­mana. E na vakaya­gataki na lali me vakatau­taki kina na kena gedei kei na kena to­tolo na ila­galaga ni meke, muria yani na derua kei na i cobo me lutu bi vi­naka kina na kena i ro­gorogo ni vakatara. E rawa tale ga me curu mai e so na ro­rogo me vaka na sau me dua toka ga kei na dua na tiki ni bitu se kau me rau veiqir­iti toka. Na veilu­tuki ni lali ka vaka kina na kena laki to­tolo se be­rabera, laki mudu vakasauri tu mada ka lako vata tiko kei na cobo kei na derua ena kuria tiko na lutu bi ni domo ni vakatara ka vakavo­tuya na memela vi­naka ni domo ni laga.

Na i Kau se Ucu ni Meke

Oqo na qaqa ni meke ka dau la­gati wale mada ga ka so na gauna me dau matanataki ka me dua tikoga na kena mata­matana me rawa kina ni vaka­matau­taki kina na nodra ucu mai kina vanua ni meke na mata ni meke. E sega ni dau vakaucu na meke ni yaqona se veimeke tale e so, ia e dau vakaucu ga na meke ni solevu.

Na Vakavinav­inaka ena Gauna ni Meke

E dau veivakauqeti vei ira na lewe ni meke ka kena vakavinav­inakataki tiko na meke e na gauna ka caka tiko ga kina na meke se na gauna e sa laki tini kina na tik­ina.

E dodonu me lako tiko ga na meke ka lako tale tiko ga na vakavinav­inaka.

Na Veivaka­ma­rautaki e na Meke

E wili vata eke na veivakubuti, veivakataubeni, tibivuru ka ra dau caka na veika oqo ena nodra vakaraitaka na nodra vakavinav­inaka ka vakavuqa ga na nodra vakairati­taka na nodra ma­rau ki vei koya e caka vua na veika oqo.

Na Vakaorei se Veimoku

E dau vakavu na veivaka­to­tog­i­taki vaka oqori mai na kau ka cavuti ka vakaya­gataki mei ukuuku se me lali. E dau vakaoqo na kena ilako­lako; ke ra la’ki meke e dua na mata meke ki na dua na vanua ka nodra kau na vesi ka ra vakaya­gataka na lali vesi, na drau ni vesi me vesa, na ta­bani vesi me nodra i wau, e ra sa na bolea tiko yani na laki meke me ra vakaorei mai se laumoku. E dau ke­nai tini­tini me caka e dua na veile­wai vaka­vanua ka tau mai kina na ke­dra ito­togi. Na vu ni nodra bolea baleta ni ra veita­bani se veitau­vu­taki ka vakay­a­cori me ka ni lasa vak­abibi ena ma­rau ni vakatawase kei na gauna ni ma­rau tale e so. Ena so na gauna ni ra yaco mai na vu­lagi, era dau qai meke na yalewa ena koro. E dau ke na ivaka­rau me dau caka e dua nai vakatale na ilavo se isulu se tabua. E dau kena ivaka­rau talega me dau cabo na ivakatale.

Na Suqe Vucu

Oqo e dua na ivaka­rau makawa ni vaqara meke ka vaqarai na tevoro me va­gunuvi me so­lia mai na meke. Ena bogi bu­to­b­uto era dau qai lako na tamata bula ena koro ka ra lako galu­galu kina veivanua tawa. Era na uku kece ka kau yaqona. Ni ra yaco yani sa na cabo sara na yaqona ka ra na wawa toka ia ena vosavosa toka ko koya na nodrai li­uliu me kere meke. Ena dau kerea sara ga na meke e vinakati me ya­cova sara ni sa rawa na meke e vaqarai tiko.

Fi­ji­tuwawa.com Re­search Team

Newspapers in English

Newspapers from Fiji

© PressReader. All rights reserved.