TUKUTUKU NI VANUA Sagai me tara na vale ni vanua e Naitasiri

Sa mai sogo ena Vakaraubuka na soqo ni kumuni lavo ni yasana o Naitasiri ka vakayacori ena rara e Valelevu, Nasinu.

E tukuna na Roko Tui Naitasiri o Ifereimi Corerega ni nodratou takete ena soqo me kumuni e $100,000.

Eratou a doladola mai na koro ko Colo-isuva ena ilavo levu e $50,000.

E na ikarua ni siga ni soqo e tukuna o Corerega ni ra gole yani na lewe ni timi qaqa ni Naitasiri mera laki vakavinavinakataka na yasana ena veivuke e dau vakayacori kivei ira.

Ni oti na vakavinavinaka e qai kacivi e dua na veleti ni soli, me baleta na vakavakarau ni timi ena kena taqomaki na icovi cecere ni rakavi ena noda vanua eratou taura tiko ena gauna oqo.