Sevutaka ko Bainimarama na uto ni veidinadinati me rawati ena 2030

Esevutaka ena Pasifika na ko Paraiminisita Voreqe Bainimarama na rawati ni uto ni sasaga ni veidinadinati e Parisi (Nationally Determine Contributions, (NDC) ).

Qoka e dua na lalawa raiyawa me baleta na draki veisau me rawati ena yabaki 2030.

Na NDC e tukuna na sasaga ni veivanua ka taketetaki kina veiqaravi lewai vakamatau me rawa ni lailai kina na cagi duka eda ceburaka ki maliwa lala ka meda vakamurimuria na iwalewale ni sotavi ni revurevu ni draki veisau.

Kaya o Paraiminisita Bainimarama ni veidinadinati oqo sa ki saraga ni taqomaki ni Pasifika

Karakarawa, ni raici vata kei na veidinadinati mai Parisi ka salavata kei na veivakatorocaketaki lewai vakamatau ni veivanua ena Pasifika.

“E rau na lako vata voli ga na veika e vakayacora na draki kei na veivakatorocaketaki lewai vakamatau nida tara cake tale tiko noda bula vakailavo ena revurevu ni matetaka ni vuravura na COVID-19.”

“Sa gauna vinaka ni noda vakatubu ilavo ena draki na lewenivanua ena Pasifika me daumaka cake noda tara vale ka meda vakadeitaka na drokadroka kei na karakarawa keina noda bula tale mai keina noda cakacaka vata me kune kina ni vakavotukana na lalawa e da vakayacora.”

Na kena macala eda rawa ni raica kina e wase vaka 4. Na kena vakayacori naka e da vakatura, ena kune eso na kena bolebole, ia eda rawa ni rawata na noda takete kevaka eda veitokonitaka vata, meda veirogocitaka vata na noda vakatulewa, kei na nodra veitokoni na veivanua e vuravura.

Ko Paraiminisita Voreqe Bainimarama kei ira na mata ni veivanua ena Pasifka ena kena sevutaki na veidinadinati me rawata na Pasifika ka yavutaki mai na gagadre ni veidinadinati ni Parisi me rawati ena yabaki 2030.