‘Bibi na maroroi ni itukutuku’
Era veivakananumi na Minisita ni Veitaqomaki o Inia Seruiratu ki vei ira na mata ni veitikotiko e na taudaku ni vei koro lelevu e Cakaudrove me baleta na nodra it tavi ki na tuvatuva levu ni veivakatorocake taki ni matanitu.
Vakaraitaka o Minista Seruiratu ni sa ka bibi na kena vakasokumuni na itukutuku mai na nodra dui tikotiko.
“Sa ka bibi na noda veiliutaki vakavinaka ka sa raica me veisotavi na veika e da vakayacora kei na tuvatuva levu e vakarautaki mai na Matabose Cokovata kei Vuravura ka ni veisemati vinaka kei na tuvatuva ni veiqaravi ni Matanitu.”
“E vuqa na gauna e da dau vakayacora tu na veika e so ia e dau qai mai leqa ni sega ni dau maroroi na veitukutuku e so ka veiganiti kei na vei tuvatuva me baleta na veivakatorocake taki. Oqo sara ga na vuna e dau gadreva kina mo ni dau soli tukutuku yani e na veivula ki na Matanitu.”
“Sa ikemuni sara ga qo na i tokani ni Matanitu me baleta na veivakatorocaketaki e na nomuni dui tikotiko ka sa vakacolati kina vei kemuni na itavi levu oqo” e kaya ko Minisita Seruiratu.
E vakavinavinakataki ira na mata ni veitikotiko okoya e na taudaku ni vei koro lelevu e Cakaudrove e na i tavi e ra qarava tiko kei na nodra tokona tiko na veiqaravi ni Matanitu.
Sa ka bibi na noda veiliutaki vakavinaka ka sa raica me veisotavi na veika e da vakayacora kei na tuvatuva levu e vakarautaki mai na Matabose
Cokovata kei Vuravura ka ni veisemati vinaka kei na tuvatuva ni veiqaravi ni Matanitu.