Gadrevi me levu noda idinia: Vakadravuyaca

SA gadrevi tiko vakalevu e Viti e daidai me levu tale na noda lewenivanua era vakaivola ena cakacaka vakaidinia. Oqori na itukutuku nei Vunivola Tudei ni Veicakacaka lelevu ko Taitusi Vakadravuyaca ena dua na veitalanoa kei niusiveva oqo na ‘Noda Viti’.

Kaya ko Vakadravuyaca ni tiko na lawa ka vauci ira na cakacaka vakaidinia e Viti e vakatokai me Engineers Registration Act 1976.

Kuria ko Vakadravuyaca ni lawa oya e vakarota me ra rejisita taucoko na idinia ni bera ni vakadonui me ra cakacaka e Viti.

“Sa cakacaka tiko na noqu tabana ena gauna oqo ena kena rawa ni veisautaki mera oka talega kina na cakacaka vou vakaidinia ka ra sa basika tiko mai vuravura ena gauna oqo.”

E kaya o Vakadravuyaca ni gauna mada ga oqo era lewe 600 vakaca na idinia era sa rejisita e Viti.

Ia na iwiliwili oya kei na levu ni cakacaka e gadarevi me vakayacori ena noda vanua e se gadrevi tikoga vakalevu me levu tale mai noda idinia.

“Sa gadrevi vakalevu ko ira na idinia era kena dau ena nodra dui tabana se specialist,” kaya o Vaadravuyaca.

E tomana o koya ni gadrevi vakalevu tiko ena gauna oqo o ira na idinia era kena dau dina- taura mada na tabana ni draki e vinakati kina edua nahydroligist e Viti.”

E na gauna oqo e Viti e leqa sara tikoga na hydrologist. O koya e kila na tau ni uca, vata kei na kena tau ena dela ni wai, vata cava ena vakavurea na uca oya ena dela ni vanua.

“Gadrevi tiko me so tale na civil engineer ena gauna oqo. Gadrevi tiko o ira na kena dau (specialist) ni road engineering.

“Rawa ni o civil engineer ia mo specialist ni ta gaunisala vakabibi na ka ni qele e dua tani.”

“Na tabana ni wai e lailai tiko na tabana ni wai na kenadau ena water engineering,” kaya o Vakadaravuyaca.

Na cakacaka vaka idinia esa gadrevi sara tiko vakalevu e Viti edaidai baleta nida vanua se qaia vakatorocaketaki keda tiko (developing nation). Kaya na Vunivola Tudei ni Veicakacaka Lelevu ko Taitusi Vakadravuyaca ni ko ni sa uqeti na itubutubu era gadreva mera vuli idinia na luvemuni ena vuli torocake meda solia kina noda veitokoni.