GAUNISALA VOU E NAMATA
SA vuabale na nodra marau na lewe 1000 vakacaca na lewenivanua ena koro o Namata mai Tailevu ni sa qai yacovi ira yani gaunisala. Era soqoni yani vakalewelevu ena nodra cibitaka na cavuikalawa levu oqo ena nona sa laki dolava yani na gaunisala oya na turaga na iliuliu ni Matanitu ko Voqere Bainimarama.
Vakayagataka kina na Matanitu e $3m ma laveti kina na itagade ni bula vei ira na veivanua esa dede nodra tagica voli mai me ra bau vakagaunisala.
Kaya kina o PM Bainimarama ni nodra nanumi na veivanua era dau guilecavi tu vakaoqo mera vakagaunisala e semati ira vinaka kina bula vakailavo ni noda vanua. “Sa dua talega na sala me mudu kina vakadua nodra guilecavi tu vakadede.” “Oqo e dua na leqa levu era sotava tu e levu na veivanua dredre ka tu yawa e Viti.” E ra a kerea vua na iliuliu ni noda Matanitu ena yabaki 2017 mera vukei ena gaunisala na lewei Namata.
“Keitou sa rogoca na nodra tagi ka keitou dikeva na sala me muri me rawati kina na gagadre oya.”
“Oya na sala e dodonu me muria edua na matanitu e digitaki mai vei ira na lewenivanua,” kaya o PM Bainiamarama.
“Na gaunisala saka oqo e ta me rawa ni lako curuma na veigauna derdere ni sotava saka mai na vanua ko Nacobua ena veigauna sa sivi.”
“Na gaunisala oqo ena vukea na bula vakailavo ka tara cake talega na ituvaki ni bula ena noda vanua,” kaya o PM Bainimarama.
“Qoka edua na sala ena nodra sa sega ni vakuwai na veitikotiko ena taudaku ni veikorolelevu.” “E dua na inaki levu ni matanitume tara caka na ituvaki ni bula ena taudaku ni koro lelevu.”
“Me rawa ni volekata yani se tautauvata na bula ena veitauni,” kaya o PM Bainimarama.
“Oqo esega walega ni dua na gaunisala , qo e dua na cegu saka ni bula vou, kaya o PM Bainimarama.
Kaya na ko Jolame Vakalolovu nona vosa tiko ena vuku ni koro o Namata e vakavinavainakataka vakalevu na Matanitu.