Yacovi ira yani na veiqaravi ni matanitu
KO Nadrau e Navosa edua na vanua e tiko e cake ena Yasana vakaturaga, ia era sa yacova yani na veiqaravi ni matanitu me vaka era qarava tiko na Minisita ni Marama, Gone kei na Valuti ni Dravudravua, Rosy Akbar.
Ena loma ni rua na macawa sa oti oqo era veisiko voli na ivakalesilesi ni minisitiri oqo ena vanua o Nadrau me semati kina na veiqaravi vakamatanitu ka vakakina ena yasana ko Ba.
Na REACH porokaramu e vukea na lewenivanua ena nodra bula ena veisiga ka vakakina na nodra dodonu ena Yavu ni Vakavulewa me rawa ni qaravi kina vakakina na nodra itavi ka laveti kina na bula ena veisiga. E usutu tiko ni veiqaravi oqo na veivakatorocaketaki lewa matau ka sega ni dua e guilecavi kina ka sa ra uqeti kina na lewenivanua ena veiyasana mera vakayagataka na veiqaravi oqo.
Era vakavinakataki na matanitu ko Japani, UNDP kei na timi veiqaravi ena REACH ena nodra veiqaravi.