Dei tuga na qele vaka Itaukei: PM
ERA solia na veivakadeitaki na liuliu ni matanitu Paraiminisita Voreqe Bainimarama ni dei vakavatu tu na noda qele vaka itaukei ena boseka ni yasana ko Cakaudrove. Kuria ko koya ni qele esa dei tuga me ka sa yaga cake mai kivei na kena itaukei nikua ka vinaka cake main a gauna eliu.
Sega ni dua n aka esa kau laivi ka sega talega ni dua n aka ena kau laivi. Oqori na nomuni dodonu vaka itaukei ni qele ka volai tu ena Yavu ni Vakavulewa kau sa bubului kina meu taqomaka.
Oya naka dina baleta ni sa tiko na Yavu ni Vakavulewa meda taqomaki kina. Na veika edau vakayacori e liu mai vei ira na matanitu eliu esa sega ni rawa ni yaco nikua. Baleta na dina oqo,’ kaya ko Paraiminisita Bainimarama.
Kuria ko koya ni sa vakalawataka na matanitu na kena veisaumitaki vakatautauvata na ilavo ni lisi main a 2011 vei ira na Vola tu ena Kawa Bula.
Nikia e rauta ni $27.1 na milioni esa vakayagataka na TLTB ena vukudra e 27,000 na lewenivanua era bera ni yacova na yabaki 18 mera rawa ni veisaumi ena gauna era sa yacova kina na yabaki ni bula oya mera rawa ni sauma kina nodra curucuru ni vuli se tekivuna nodra bisinisi.
Na matanitu esa vakarautaka talega ena vota ni ilavo ni tuvatuva ni ilavo ni 2021-2022 e 1 na milioni me baleta na ta ni gaunisala era veisemati yani ena qele vakaiTaukei ka sa vakarautaki tu me baleta na veivakavaletaki vou. Ka $500,000 me baleta na savea taki ni qele ni teitei, $500,000 ena savea taki ni qele ni veivakavaletaki ka $1milioni ena kena saumi na dinau ni lisi ni qele ni teitei kei na qele ni veivakavaletaki.
Vakaraitaka tiko na tikina oqori ko Paraiminisita Bainimarama ena nodra laki dolava na boseka ni Cakaudrove Provincial Council se boseka ni yasana ko Cakaudrove.