Mata digitaki
E vakaraitaka na turaga na Ratu Mai Namalata o Ratu Isaia Tuirakiwaimaro ni ko ira na mata era digitaki mera na tu ena veidigidigi sa dodonu mera rawati ira vinaka tu.
Na nodra na digitaki mera la’ki mata ni lewenivanua ena palimedi e sega ni cakacaka rawarawa. “Ko ira na mata digitaki e dodonu mera dau cakacaka dina ka savasava na kedra itukutuku.
“E sega ni dodonu mera kauta yani na nodra leqa kina loma ni palimedi,” e tukuna ko Ratu Tuirakiwaimaro.
“Ni ra sa digitaki, e dodonu mera na kauwaitaki ira tiko na digitaki ira ka mera dau sikovi wasoma. “Na nodra leqa me walia ka yavutaka na nona cakacaka ena savasava kei na dodonu.
“Sa vakadinadinataki ni so ena gauna era sa digitaki kina era sa guilecavi ko ira na dau veitokoni ka ra saga na veika ga e baleti ira.”
E 11 na koro e tiko ena tikina o Namalata. > MAIKA BOLATIKI