Ciqomi na veimatalotu
Na yasana o Naitasiri ka tiko kina e 91 na koro esa vakadonuya mera ciqoma na veimatalotu kece e veisiko yani kivei ira.
Nai liuliu ni Bose Vanua na turaga na Vunivalu Waima o Ratu Timoci Rokobukete ni lewa oqo e sa tau sara mai ena 2018 ena dua na bose ni yasana ka vakayacori mai Nairukuruku na nodra koro na iTaukei ni Waluvu.
E tukuna o Ratu Rokobukete ni ra sa vakananumi tale na iliuliu ena veikorokoro ena lewa oqo ka kerei mera rokova tiko.
Na matalotu na All Nations e tukuna ni ratou veivakalotutaki tiko mai Nakorovatu ena tikina o Waima.
E tukuna ni veivakalotutaki oqo e masulaki kina na vanua, lotu kei na matanitu.
Na matalotu qo e tukuna e ratou na laki siga vica e Nakorovatu ka ra vuli lotu talega na lewenivanua.
Ena veimasulaki e tukuna o Ratu Rokobukete ni masulaki kina me na dua na dauniveiliutaki vinaka me na digitaki me na liutaka na noda vanua.
Na veiliutaki vou e tukuna me sa mai vua na Kalou. E tukuna ni kena ciqomi na veimatalotu ena yasana e tautauvata ga kei na lewa ni Bose Vanua me dolavi na veikoro kina veisoqosoqo vakapolitiki mera vunau kina.
Na digidigi sa na qai vakatau kivei ira na lewenivanua.