Vakananuma na tauni o Ba na gauna ni Qirimiti
ENA 147 na yabaki sa oti era a tadu mai ena noda vanua na imatai ni lakolako vaka Qirimiti ena waqa na Leonidas ena sasaga kei na lakolako ni cakacaka ni veivakatorocaketaki ni gauna vaka Koloni. Era soqovaka na tauni o Ba na veivakananumi ni gauna oqori ka sega toka ni gauna se kilai me vinaka. Vakaraitaka ko Minisita ni Veitauni Parveen Kumar Bala ni gauna era yaco mai kina na imatai ni lakolako oqori era sega soti ni ciqomi vinaka. Me vaka nira mai biu toka ena dua na yanuyanu tuvaka galala. Na imatai ni waqa e ta kasa mai Levuka ena 14 ni Me 1879 ka tukuna ko Minisita Bala ni oqo edua na gauna rarawa dina vei ira na lewena mai na waqa oqo. Era vakatikori vakatikitiki ena yanuyanu ko Yanucalailai e Levuka. Oqo talega sa tekivu kina na cakacaka ni tei dovu ena veiqaravi ni rawaka vakailavo ni koloni, ka mera kua ni vakaicakacakataki kina na itaukei
Oqo na tauni ko Ba ena nodra vakananuma na siga oqo.