Laveti tikoga na itagede ni veivakavulici
Na tabana ni vuli ena gadreva me laveti cake tikoga na ivola dusidusi kei na lesoni me rawa ni sotava ka veiganiti kei ira na gonevuli kei na tamata cakacaka.
Oqori na mala nodra na Minisita ni Vuli, Premila Kumar ena nodra vosa taka tiko na nodra lesoni vakarautaki na gonevuli ena noda vanua mai Palimedi.
Na nodra lesoni vakarautaki na gonevuli ea veisautaki ena 2020 ka laurai vakakina na kena vakayagataki na veimataqali itovo kei na iyaya ni qaravi ni vuli ena gauna oqo ka sa vei ganiti tu kei na gagadre vakavuli nikua.
Eratou sa cakacaka sara tiko kina vakamatua na Tabana ni Lesoni Vakarautaki ni Vuli me vaka ni sa ratou sabolo taka kina na lesoni vakarautaki ni vuli ni fika ni Yabaki ni Vuli 11 ena 2021.
Ka sa vakayacori talega ena vei lesoni vakarautaki eso ena vuli ni talanoa ni veika sa oti ka laurai tiko ni ko Viti oira na gonevuli era kila vakavinaka cake na itukutuku se italanoa baleta na veika ea yaco ena veiyasai vuravura eso ka lailai nodra kila na veika se tukutuku baleta n aka ea yaco ena noda vanua.
Oqo saraga n aka e gadrevi me veisautaka o Viti kei na tabana ni vuli ka wilkina na kena uqeti nodra bula ni veiliutaki na gonevuli ena kalasi 1 kina 4 ka vakakina ena vulici ni fika kei na wilivola.