Gadrevi talega me levu era vuli tara na cakacaka
Kmerao Viti nikua esa duidui sara mai na Viti ena gauna eliu baleta ni sa gadrevi vakalevu vulica na veimataqali cakacaka e kilai na noda gone mera rawa ni veisosomitaki ena gauna e gadrevi kina ka vakauasivi ena gauna e sasag tiko kina na matanitu me vakatubura se me laveta na kaukauwa ni rawaka vakailavo ena noda vanua. Oqori na mala ni vosa nodra na Minisita ni Bisinisi,Veivoli, Saravanua kei na Veilakoyaki Faiyaz Koya. Era vosa tiko ena palimedi me baleta na sasaga ni matanitu me sotava na lailai ni tamata kila na cakacaka ka ni sa toso tiko ko Viti ena veimataqali bisinisi vou. Tukuna ko Minisita Koya ni levu tiko na veivakacalai me baleta na tikina oqo. Oya ni matanitu esasaga tiko ena raiyawa ni vakaitorocaketaki ni rawaka vakailavo ka sa tiko kina na rai ni oira na noda ena dodonu mera tiko veiira na veimataqali kila e ganiti ka kena tokoni na sasaga levu ni matanitu. Oya na raiyawa ka tiko ena kena tauyavutaki na Skilled Professional Evaluation Committee me tokona na rawaka vakailavo ni matanitu kasega ni inaki me vakuai ira na noda. Eratou vakayacora edua na vakadidike me baleta na gagadre ni kila vakacakacaka e sa tiko ena noda vanua. Sa laurai talega ni tiko na galala ena kila vakacakacaka kei na gagadre e tiko ka laurai talega ni levu na noda gone era gole ki valagi baleta na nodra kila vakacakacaka e gadrevi kina. Oqo e yaco talega ka vakilai vakalevu ena gauna ni leqa tubu koso ena COVID-19