Wainigunu savasava e Udu
ERA malaude the leweni tikotiko ena Wailevu mai Udu Macuata ena nodra sa semati ena wainigunu savasava ka sa vakacegui ira main a ogaoga levu ni vakasaqarai wai ni gunu ena veisiga.
Ko Apisai Masiasa edua ka sa yabaki 79 nikua ka sa donua mai na 40 na yabaki sa oti nodra dau laki qiva mai na medra wai mai na uciwai voleka ena nodra koro. Nikua e marautaka ko koya na kena sa dolava na paipo ni wai ni gunu savasava ka sa tosoro mai ena liga kei na maliwa ni qaqalu ni liga na wai batabata, savasava ka guni vinaka.
E dau cakacaka dredre ka vakacauoca vei ira na lewenikoro vakauasivi oira na marama kei na gone ena veisiga. Ena so na gauna era dau vakavu mavoa talega vei ira nira dau sisi ka drakusi na durudra se yavadra.
Dua na gauna era sa bau vakayagataki taqe ni wai ka ra vakayagataka na pamu ni wai me pamu mai ena uciwai ka laki tawani saraga ena taqe. Ia ena so na gauna talega edau leqaleqa na pamu ni wai ka mani dau dede na gauna eratou laki ripea mai kina e Labasa.
Io baleta nira sa dewa na teitei ena vanua oqo esa vaka e kania na gunugunu ni wai na teitei ka sad au maca ena vuqa na gauna. Sa tiko talega na nuiqawaqawa ni ran a vakacacana se dukara na wai oira na teitei mai colo. Io nikua nodra sasaga vaka tikotiko ena Cawaro water project esa vukei sara kina nodra gagadre. Ka sa ra semati ena wainigunu savasava ka ra sa rawa ni savasava na marama ena nodra siqi ni vale. Vakaraitaka ko Solomone Waqa na turaga ni koro ni rauta e 200 na lewenivanua era vakayagata vata tiko na wainigunu savasava oqo. Sa vakavinakataki kina na matanitu ena veivuke levu baleta na kena semati na koro oqo ena wainigunu savasava.