Au na Valataka na Vakatoroicaketaki ni Kawa iTaukei: Tuiteci
Na mata vakaturi ni soqosoqo vakapolitiki na SODELPA o Seremaia Tuiteci e tukuna ena lewe ni nona ivunau kivei ira na dau ni veidigitaki na vakatoroicaketaki ni kawa iTaukei.
O Tuiteci a cakacaka vakamatanitu ena dua na gauna, ka tauyavutaka talega na soqosoqo vakaututu na ‘Ultimate Party For Fijians’ (UPFF) ka sega ni qai yaco na nona inaki me vaka ni levu sara na ka e vakatataotaka.
A tabaka na Siga Rarama ena vula o Janueri ena yabaki oqo ni sa rawata na soqosoqo vakatutu na UPFF e sivia e 5000 na saini mai vei ira na lewenivanua.
Ia, nikua e marautaka o Tuiteci ni sa mai digitaki me dua na mata ni SODELPA.
E kaya ni sa matata vinaka tu ena tukutuku kei Viti ni ko ira na iTaukei era taukena e levu na qele ia era bula dravudravua.
Era dravudravua ena dela ni nodra qele ka oqo e dua na itukutuku vakaloloma.
Mera bula vinaka na iTaukei e tukuna o Tuteci ni sa dodonu mera vukei vakailavo mera cakacakataka na nodra qele mera rawa ilavo kina.
Ko ira na vulagi kara sa lisitaka tu na qele era vakatorocaketaka ni tu vei ira na ilavo ka levu sara na ilavo era rawata.
Mai nai lavo levu era rawata era sa qai vakuria na veika era sa taukena tu me levu cake sara.
E tukuna ni kawa iTaukei ena gauna oqo sa dodonu
Tukuna o Tuiteci ni kawa iTaukei ena gauna oqo sa dodonu mera vulica na kena vakatorocaketaki na nodra qele ka soli vei ira na ilavo mera tekivu kina. Na nona vakatutu tiko mesa tauyavutaki e dua na baqe ni iTaukei (Indigenous Bank) me rawa ni solia na ilavo.
mera vulica na kena vakatorocaketaki na nodra qele ka soli vei ira na ilavo mera tekivu kina.
Na nona vakatutu tiko mesa tauyavutaki e dua na baqe ni iTaukei (Indigenous Bank) me rawa ni solia na ilavo.
E tukuna ni sa kena gauna me sa veisau na matanitu ka sa tu vakarau na SODELPA me veiliutaki ka kauta mai na veisau e gadreva na lewe ni vanua.
Ko Tuiteci e cavutu mai Yasawa-i-rara ka a cakacaka tu vakamatanitu.
Ena nona tiko ena matanitu e a cakacaka vakalailai ena valenivolavola ni Paraiminisita ena gauna e a taura tiko kina na itutu o Laisenia Qarase.
Erau a sala vata kei na turaga na Kovana o Ratu Sir Penaia Ganilau ena imatai ni nodra veisiko kina Tokalau e loma ena nona tiko ena Tabana ni Tukutuku.
E levu era qase cake ena Tabana ni Tukutuku era vakataroga se cava na vuna e mai lako kina o Tuiteci ia e tukuna ni vola e lako mai Vale Levu ka vola mai na kena vunivola o Josefata Vosanibola ni sa cavuti tu mai kina na yacana.
ENA QAI TOMANI TALE YANI ENA MACAWA KA TU MAI