Na Lotu kei na Politiki, e vei na Vanua eda Tucake tu kina
Na noda Yavu ni Vakavulewa 2013 e taqomaki tu kina na nodra galala na vei mata lotu mera cakacakataka na yavu ni nodra vakabauta. E rawa nira vakaduri bisinisi kei na soqosooqo vakapolitiki. Ia e duidui ga na lawa era virikotori kina
Erawa li nida wakia vata na politiki kei na lotu? Oqo e dua na taro e basika mai ena nodratou vakatutu nai soqosoqo lotu, na Eleventh Hour Ministry.
Ena siga vakaraubuka e ratou sa lai biuta na nodratou kerekere me sa vakadonui na nodratou isoqosoqo vakatutu ka yacana tiko na ‘All People’s Party’.
A kaya na nodratou iliuliu, Talatala
Tuiloma Tawaivuna ni ratou na vaka mata ena veidigidigi kevaka sa vakadonui na isoqosoqo.
E kaya o koya ni a raica e dua na rai votu (vision) me tauyavutaka e dua nai soqosoqo vakapolitiki.
Ia, vei keda na lotu vakarisito e dodonu li me dua nai soqosoqo vakapolitiki me sucu mai ena lotu?
A kaya o Peter Long Choy, nai liuliu ni Lotu Ekelesia Katolika e Viti kei Rotuma ka peresitedi ni Fiji Council of Churches ni sega ni dodonu dina ga ni sega ni voroki e dua na lawa.
Na noda Yavu ni Vakavulewa 2013 e taqomaki tu kina na nodra galala na vei mata lotu mera cakacakataka na yavu ni nodra vakabauta. E rawa nira vakaduri bisinisi kei na soqosooqo vakapolitiki. Ia e duidui ga na lawa era virikotori kina.
E dua na vakasama e va qo, kevaka sa duri e dua na soqosoq sana veiliutaki kina na tamata.
Ena lotu e veiliutaki na Kalou. Kevaka a dina na vakasama oqo e rau na qai sema vata vakacava na lotu kei na soqosoqo vakapolitiki. E dua a kaya na yavu ni vakabauta vakalotu e rawa talega ni yavu ni soqosoqo. Kena i balebale e sana balebale tu vakalotu na nona vunau vakapolitiki na soqosoqo.
Me na qai toso tiko na noda veitalanoa e na ulutaga oqo. Ke dua na nomu nanuma volavola mai ki vua na Edita.