Yatu Yasawa

Ena veisiga Tusiti taucoko ena vei macawa e vakatokai ena tikina ko Yasawa me “Siga Kei Na Yatu Yasawa”.

Oqo e vakadeitaka o Samisoni Vu nai Vakatawa ni Lotu Wesele ena koro ko Teci.

Na Siga Kei Na Yatu Yasawa e tukuna o Vu ni siga era dau masumasu kina na lima na koro ena tikina o Yasawa ena yasana o Ba.

E tukuna ni veiulutaga ni masumasu e wili kina na itavi era qarava tiko, na vuli, lotu kei na matanitu, ko ira na gone ni Teci era tu mai valagi kei na veiyasai Viti, na draki vata kei na leqa era sotava ena veisiga.

Na gauna ni masumasu ena veikoro, e tukuna ena qai vakatau ga kivei ira.

Era sa vakila na mana ni Siga Kei Na Yatu Yasawa kivei ira.

Na Siga Kei Na Yatu Yasawa era dau tu ga kina e na koro.

E tukuna o Vu mai na koro o Teci ni lewe lailai sara era cakacaka ena otela ka tiko sara mai Bukama ka dau dredre na vaqara ilavo me rawa kina na qaravi ni veika e lavaki mai na lotu, vuli kei na matanitu.

Sa qai oti walega oqo na nodra kumuna na soli ni Cakacaka Levu ni lotu Wesele ka sivi tiko na $2000. Na lavo oqo e vakau kina valenivolavola ni lotu e Suva ka dau laki vakayagataki kina veikoronivuli ni lotu, ko ira na malumalumu kei na so tale era lewena na valevolavola ni lotu.

Na karua ni uma ilavo era sa saga tiko ena gauna oqo e tukuna o Vu na nodra soli ni vakamisinare ka rauta tiko ni $5000 vakacaca.

Ena dau vaqara ilavo ena veisiga e tukuna ni ra volitaki ika e loma ni koro, volitaki kakana buta ka dau ya $5 dua na veleti.

Eso era dau qoli ena bogi ka ra dau laki volitaki ika kina otela e Bukama. >MAIKA BOLATIKI