Maka taka na siga ni Veidigidigi Tiseba 14, 2022
NA tiki ni siga ni veidigidigi ena Tiseba 14m ni 2022 e siga namaki veikeda kece na lewenivanua e Viti. Baleta ni oqo na siga namaki kina meda veidigidigitaka kina na noda mata kina Bose Lawa levu kei Viti, ka vakakina na kena digitaki na liuliu vou ni noda matanitu me vaka na kena ivakarau ni oti e va na yabaki ni veiliutaki vakamatanitu. Era sa veivakananumi
tiko kina na liuliu ni Tabana ni Veidigidigi – ko Mohamed Shaneem meda maka taka na Tiseba 14 ni siga ni veidigidigi.
Na veika edodonu mera vakarautaka na tabana oqo era sa vakayacora kece sara vakamatau me baleta na siga namaki oqo. Esa na qai vo walega na itavi ni lewenivanua mera vakayacora nodra itavi, yaco yani vakalewevu ena vanua ni veidigidigi era sa volai kina ka mera laki tauca na nodra digidigi.
Era sa kacivaka talega na Vunilewa ni
Valenivolavola ni veidigidigi, Mohamed Saneem na nodra dui naba ni veidigidigi na mata mai na veisoqosoqo vakapolitiki era sa vakacuruma main a yacadra ka sa vakadonui mera vakaitavi talega ena veididigi. Sa namaki talega nira na solia na nodra veitokoni na veimata soqosoqo ni politiki vua na tabana ni veidigidigi ena kena vakamuria vakavinaka sara ba law ani veiqaravi ena veidigidigi me vaka esa vauci tu vakalawa ni noda vanua.
Sa tiko talega na vakanananu kei vakamamasu
vei ira lewenivanua kece saraga mera na dau vakamuria Vinaka ka rokova talega na nodra itutu na ivakalesilesi ni tabana ni veidigidigi era na veiqaravi tiko ena siga bibi oqori.
Era na veiqaravi veivolekati talega kina na tabana ni ovisa ena kena yadravi vakavinaka na tuvatuva kece sara ni veidigidigi me yacova na kena mai vakacavari Vinaka