Siko ina Vualiku
Sa mai qaravi rawa na nodra Veisiko na turaga Vunivola Tudei ka Vunilewa ni Tabacakacaka kei na Matabose ni Veika Vakaitaukei ena Valenivolavola ni Yasana e 3 o Bua, Macuata kei Cakaudrove. Qo ena nodra sikovi kara vakavinavinakataki tiko na vakailesilesi ena veiqaravi vei ira na lewenivanua vakabibi na nodra vakadreti tiko ena laveti ni itagede ni veiqaravi me sotava na gagadre ni veisiga.
E vica na tikina era vakaraitaka ni kena rawati na noda takete, ena vakatautaki ena iwalewale vinaka me taurivaki. Qo ena qai rawa kina na vakasama meda sa moi mai na:
• Berabera ina totolo
• Bibi ina mamada
• Dredre ina rawarawa
Ni rawati oqo, ena laurai kina na vinaka ni veiqaravi, vakabibi na kena sa mai sevutaki rawa na ivola dusidusi ena vica na macawa sa oti me baleta na Yavu ni Veiqaravi ni Matabose kei na Tabacakacaka iTaukei vakatokai na Stategic Development Plan[SDP]. Qo na yavu ivakarau merau dabe ka duavata kina, vakabibi nira qaravi kina na iTaukei ena noda vanua.
E bibi taucoko na itavi eda qarava mai na Turaganikoro, Matanitikina, Vakailesilesi ni Yasana se e Valenivolavola Liu - e sega ni dua e vakuai kina – ia me tiko vata kei na kena yalo me rawati vakavinaka kina. A ikuri ni siko na raici lesu ni veiqaravi mevaka na iyaya ni cakacaka, na yalo ni cakacaka kei na lewenicakacaka era gumatua tu ena veisiga, sega ni raici – ia e vakamawe voli ga nira qarava galugalu tu na noda veiyasana.
Ni cabe na Vula I Balolo – sa Balolo ina loma ni vuvale e rua ka yavu e dua – na Matabose kei na Tabacakacaka iTaukei na nona ituvatuva ni cakacaka se SDP me cicivaki yani ena loma ni 8 na yabaki. Na kena vakamawe, sa toka e ligadra na vakailesilesi ena kena vakavotukana, me basika yani na vinaka ena noda veidelaniyavu tabu.
Ni lai cava na Veisiko ena yasana o Cakaudrove, era a lai donuya na turaga Vunivola Tudei ka Vunilewa na kena vakatabui na nona vale na vakailesilesi ni Yaubula ni Yasana ka toka ena lomanibai ni Yasana mai