Me Vakayagataki Vinaka na Qele
Eratou sa tatadra ka tuvatuvakataka tiko na matavuvale na Katobalavu mai Namuka-i-Lau mai Lau me ratou vakadabera e Wainibau mai Tailevu e dua na misini ni qaqi kove (coffee).
E ratou lisitaka tiko e 55 na eka na qele, ka 35 na yabaki na balavu ni lisi.
E ratou lewe tolu na veitacini na Katobalavu e rua na tagane ka dua na yalewa, ka ratou cavutu mai ena yavusa ko Nawajia, ka ratou sa vakatikotiko mai Merika. Vakairataka mai ko Pita Katobalavu, ni sega ni dua na veivakatorocaketaki e vakayacori tu ena lisi oya ena 2018, ka ratou sa mani nanuma me veisau nai rairai kei Wainibau me ratou sa teitei ka susu manumanu kina, ena rai ni vakaduri bisinisi.
Na vanua o Wainibau e tiko volekata na koronivuli na Ratu Kadavulevu School (RKS).
E ratou a kere veivuke kina matanitu ena yabaki 2019, ka se bera ni dua na vivuke e ratou a ciqoma. A tekivu na teitei ena 2020 ka ra sa veivuke tiko kina o iratou na wekana voleka ena mataqali o Rara mai Nananu kei na so na cauravou e nakoro. E kaya nira saumi, kana, ka’ra tiko ga ena vale sa vakarautaki vei ira ena gauna era dau lai cakacaka kina.
Ena gauna oqo esa tekivu tei tiko na tavioka, dalo, kumala, yaqona, kove (Coffee), niu, uto kei na susu Me. Mai na veika esa teivaki rawa tu, e kaya ko Pita ni tiki talega ni nodratou tuvatuva me ratou na vakau ivoli ena makete levu e Suva kei Nausori ka vakania talega na vei koronivuli ena yasayasa vaka Tailevu.
Esa tei oti tu e udolu nai tei ni kove ka dodonu me vua ena loma ni lima kina ono na yabaki mai oqo. Tomana ka kaya ni leqa ga e ratou sotava tiko sa ikoya na kena takosovi na wai mera lako kina teitei, leqa ni gaunisala, kei na livaliva, ka ratou sa vakanuinui tu na vuvale ni na vukei iratou na matanitu ena kena caka na gaunisala kei na livaliva.
E veivakauqeti tiko ira nai tabagone kei ko ira
Pita vei kece na tu vakavanua mera vakayagataka vinaka na nodra qele me rawa kina nira vakaduri bisinisi, kana kei na bula ena veisiga.