Le Petit Journal - L'hebdo local de l'Aude
Legir en occitan...
Lire en occitan est un bel atout culturel. Depuis le début des années 1970, l’institut d’estudis Occitans publie chaque année una plega d’atots (une pli d’atouts pour tous). Atots, tal es lo nom doncas de sa colleccion de pròsa : romans, novèlas, reviradas, reedicions.
La plega de 2021 Quatre ouvrages constituent la livraison de cette année 2021 :
una autora novèla, Bernadeta Romieu vos convida dins son primièr roman A l’ombra dels cerièisses bèles a apregondir los ligams familials entre Avairon e India. Un reportaire de guèrra en cèrca del filhòl del papeta, desaparegut sens daissar d’adreça aprèp una disputa.
Joan-claudi Sèrras, autor de l’indispensable lexic Tot en Un, tòrna a la ficcion amb un recuèlh de novèlas : Disparicions. L’autor nos mena sus las raras entre vida vidanta e subrenatural, dins un univèrs ont tot, a cada segonda, pòt caplevar e desaparéisser per l’efèit d’una volontat clara o escura, mas tanben sens cap de rason…
Miquèu Arnaud nos presenta son segond roman Amontanhatge que conta la vida imprevista de 3 joves (dins los tres òrdres) a l’edat mejana : Amièlh serà pastre ; Bertrand maneja l’espasa ; Clamenç passarà sa vida dins las clastras d’una abadiá.
Ambe Jòrdi Peladan, partiretz en Cevènas Son novèl roman policièr a per titol : Coma un cadavre al
riu getat. Una enquista de la detectiva Margarida Cercamond e son luoctenent al bèl mitan d’ipís borruts e de locals (un rasetaire alcolic, un caçaire de siglars,… ) dins un decòr espectaclós de valats, de sèrres e de castanhièrs per descobrir qui tuèt un garda del pargue nacional…
En soscripcion…
Fins al 21 de mai (despachatz-vos !), los quatre titres de la «Plega» novèla d’atots son en soscripcion per 49 €, lo mandadís comprès (en plaça de 64 € + lo pòrt). Bon de comanda : https://idecodif.com/.
Flor Envèrsa
Dins sa collecion de revirada, L’IEO ven tanben de publicar un libre de l’autor american Washington Irving : La Legenda de Sleepy Hollow -»La Legenda del cavalièr sens cap».